የተረጋገጠ:- የቀድሞ የቼልሲ እና የማድሪድ ኮከብ ስዋንሲን ሲቲ ተቀላቀለ

By Eyob Dadi | ጥር 3 ቀን 2009 ዓም


የቀድሞ የቼልሲ እና የማድሪድ ኮከብ ተጨዋች የነበረው ክላውድ ማኬሌሌ ስዋንሲ ሲቲን ተቀላቀለ።

ማኬሌሌ የስዋንሲ ረዳት አሰልጣኝ ሆኖ የተሾመ ሲሆን በቅርቡ የቡድኑ ዋና አሰልጣኝ ሆነው ከተሾሙት ክሌመንት ጋር አብሮ የሚሰራ ይሆናል።

እስከ አመቱ መጨረሻ በሚኖረው የክለቡ ቆይታም ስዋንሲ በፕሪምየርሊጉ ላይ እንዲቆይ ዋና አሰልጣኙን ይረዳል።

ማኬሌሌ በዘመናዊ እግርኳስ የታየ ምርጥ የተከላካይ አማካይ የነበረ ሲሆን ለፈረንሳይ ብ/ቡድን 71 ጊዜ መጫወት ችሏል።

ከቼልሲ ጋር የፕሪምየርሊግ ዋንጫ ማሸነፍ የቻለ ሲሆን ከማድሪድ ጋር ደግሞ የላሊጋ እና የቻምፕየንስ ሊግ ዋንጫ አሸናፊ ሆኗል።