Advertisements
ትኩስ ዜናዎች

ጋቦን 2017 :-የምድብ ሁለት አሰልጣኞችን ተዋወቋቸው?

አሊዩ ሲሴ

By Eyob Dadi | ጥር 3 ቀን 2009 ዓም

ትናንት የምድብ አንድ አሰልጣኞችን ለማስተዋወቅ ሞክረናል።ዛሬ ደግሞ የምድብ ሁለት አሰልጣኞችን ተዋወቋቸው

አሊዩ ሲሴ (ሴኔጋል)

2002 የአለም ዋንጫ ላይ አስደናቂው የሴኔጋል ቡድን አምበል በመሆን ቡድኑን የመራው አሊዩ ሲሴ አሁን ደግሞ በአሰልጣኝነት አገሩን ይዞ ይቀርባል።

በተጨዋችነት ቆይታው በፈረንሳይ እና በእንግሊዝ መልካም የሚባልን ጊዜ ማሳለፍ ችሏል።

በሊል እና በፔዤ ተጫውቶ ወደ እንግሊዝ በማቅናት ለበርሚንግሀም እና ለፓርትስማውዝ መጫወት ችሏል።

2012 ላይም ሴኔጋልን እየመራ በኦሎምፒክ ውድድር ላይ ተሳትፏል።

ሲሴ በርካታ ፕሮፌሽናል ተጨዋቾች ያቀፈ ቡድን የያዘ ሲሆን በጋቦኑ የአፍሪካ ዋንጫ አሸናፊ ሊሆኑ ከሚችሉ ቡድኖች ውስጥ ተካቷል።

ካስፐርዣክ

ሄንሪክ ካስፐርዣክ(ቱኒዚያ)

ሄንሪክ ካስፐርዣክ በአፍሪካ ዋንጫ ላይ ያካበተ ልምድ ያላቸው ሲሆን በውድድሩ ላይ ለ ስድስተኛ ጊዜ ይሳተፋሉ።

ፓላንዳዊው አሰልጣኝ በአለም ዋንጫ ላይ ለአገራቸው በመሰለፍ በ 1974 ላይ አገራቸው 3ኛ ሆኖ እንዲያጠናቅቅ ረድተዋል።

በ 1996 የአፍሪካ ዋንጫ ላይ በደቡብ አፍሪካ በፍጻሜ ጨዋታው ባይሸነፉ ኖር ከቱኒዚያ ጋር ዋንጫ ማግኘት ይችሉ ነበር።

በ 1994 ደግሞ ከ አይቮሪኮስት ጋር ሆነው 3ኛ ሆነው ሲያጠናቅቁ በ 2002 የማሊ ብሄራዊ ቡድንን እያሰለጠኑ ግማሽ ፍጻሜ ደርሰዋል።

የ 70 አመቱ አንጋፋ አሰልጣኝ ያላቸው ልምድ ቱኒዚያን እንደሚጠቅም ይገመታል።

ጆርጅ ሊክንስ

ጆርጅ ሊክንስ(አልጄሪያ)

ቤልጄሚያውዊው ሊክንስ በአለም ዋንጫ ላይ ተሳትፈው የጋቦኑን የአፍሪካ ዋንጫ ላይ ለመሳተፍ የተዘጋጁ ሌላኛው አሰልጣኝ ናቸው።

በ 1998 የፈረንሳይ የአለም ዋንጫ ላይ ቤልጄምን ይዘው ቢቀርቡም ውጤታማ መሆን ሳይችሉ ቀርተዋል።

2010 ላይ በድጋሚ የቤልጄም ብሄራዊ ቡድን አሰልጣኝ በመሆን 2015 ላይ ደግሚ ከቱኒዚያ ጋር ቆይታ ነበራቸው።

የ 67 አመቱ አሰልጣኝ በቱርክ፣ኔዘርላንድ እና ሳውዲአረቢያ ማሰልጠን ችለው ነበር።ብዙ ክለብ እና አገር በማሰልጠናቸውም “ተጓዡ ” በሚል ይጠራሉ።

ቡድኑን በድጋሚ ሚሮቫን ራጄቫክ ተክተው እየመሩ ይገኛሉ

ካሊስቶ ፓስዋ (ዚምባቡዌ)

46 አመቱ ፓስዋ በአፍሪካ ዋንጫ ላይ ያለው ልምድ አናሳ ከሆኑት ውስጥ ይመደባል።

ነገርግን ዙምባብዌን ከያዘ በኋላ ውጤታማ በመሆን ለአፍሪካ ዋንጫው ለመብቃት ችሏል።

በተጨዋችነት ዘመኑ በጉልበት ጉዳት ሳያጋጥመው በፊት ጥሩ የመሀል ሜዳ ተጨዋች እንደነበር ይነገራል።

የዚምባብዌን ከ 23 አመት በታች በማሰልጠን እንዲሁም ከዳይናሞስ ከሚባል ክለብ ጋር ውጤታማ መሆኑ ለዋናው የዙምባብዌ ብ/ቡድን እንዲያሰለጥን መንገድ ከፍቶለታል።

Advertisements
About ዕዮብ ዳዲ (1428 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: