By Eyob Dadi |ጥር 3 ቀን 2009 ዓም


የአውሮፓ እግር ኳስ ማህበር ፓርቲዢያን ቤልግሬድ ላይ ጠንካራ ቅጣት አስተላልፏል።

የእግርኳስ ማህበሩ እንዳሳወቀው ከሆነ ቅጣቱ የተላለፈው ቡድኑ ባልከፈለው እዳዎች ምክንያት እንደሆነ ታውቋል።

ቡድኑ ባለፉት 5 አመታት 3 ጊዜ ባልተከፈሉ እዳዎች ላይ ህግ መጣሱን ነው ማህበሩ ጨምሮ ያሳወቀው።

የ 2015 ቱ የሰርቢያ ሻምፕዮኑ ፓርቲዢያን ቤልግሬድ ከ 2.17 ሚለየን ፓውንድ በላይ እዳ ያለበት ሲሆን እዳውም ከግብር እና ከማህበራዊ ጉዳዮች ጋር የተያያዙ ናቸው።

በዚህም መሰረት ለቀጣዮቹ 3 አመታት ከአውሮፓ ቻምፕየንስ ሊግ እና ዩሮፓ ሊግ ውድድር እንዳይሳተፍ ታግዷል።

የአውሮፓ እግርኳስ ማህበር የፋይናንስ ተቆጣጣሪ እንደሳወቁት ከሆነ ቡድኑ ላይ የተጣለው ቅጣት 2013 ላይ ቡድኑ ላይ ከተጣለው ቅጣት ጋር ተመሳሳይ መሆኑን ነው።

በ2013 በተመሳሳይ ጥፋት ቡድኑ የአንድ አመት እገዳ ተጥሎበት እንደነበር ይታወሳል።

Advertisements