image

በምህረት ተስፋዬ|  ሐሙስ- ጥር 4- 2009

ከተለያዩ የቡድኑ ወሳኝ ተጫዋቾች ጋር ውላቸውን ለማደስ በድርድር ላይ የነበሩ ሲሆን በዚህም የ3 ፈረንሳውያንን ማደስ ችለዋል። ውላቸውን ያደሱት የመሀል ተከላካዪ ሎረን ኮሲዬልኒ፣ የመሀል ሜዳ ተጫዋች የሆነው ፍራንሲስ ኮክለን እንዲሁም አጥቂው ኦሊቪየር ዢሩድ ናቸው። አሰልጣኝ አርሰን ቬንገር የቡድኑ 3ት ወሳኝ ተጫዋቾችን በክለቡ ለተጨማሪ አመታት ሚያቆያቸውን ውል በመፈረማቸው ደስተኛ መሆናቸውን ገልፀዋል።  የተጫዋቾቹ ውል ማደስ ለክለቡ ደጋፊዎች መልካም ዜና ሲሆን
ውላቸውን ላላደሱት በድርድር ላይ ለሚገኙት የቡድኑ ወሳኝ ተጠጫዋቾች አሌክሲስ ሳንቼስ እና ሜሱት ኦዚል መንገድ ከፋች ይሆናል።
የቡድኑ አምበል ሎረን ኮሼልኒ ከ2010 ጀምሮ ክለቡን እያገለገለ ሲሆን ወሳኝ ከሚባሉ የቡድኑ ተጫዋቾችን አንዱ ነው። በተለያዩ የውድድር አይነቶች ለክለቡ አገልግሎት እየሰጠ ሲሆን በተለያዩ ጨዋታዎችም ወሳኝ ግቦችን ማስቆጠር ችሏል። በተለያዩ የአውሮፓ ታላላቅ ክለቦች ቢፈለግም ተጫዋቹ በክለቡ ለተጨማሪ አመታት ሚያቆየውን ውል ተፈራርሟል።

image

ሌላኛው የ25 አመቱ ፍራንሲስ ኮክለን በውሰት ከነበረበት ቻርልተን ከተመለሰበት ግዜ ጀምሮ ለክለቡ ጥንካሬን የጨመረ ሲሆን በማህል ሜዳው ላይ ባለው ሚና ወሳኝ ሚባል ተጫዋች ነው። ተጫዋቹ ካጋጠመው የጡንቻ መሳሳብ ጉዳት በማገገም ላይ ይገኛል።
ሌላው በአሰልጣኝ አርሰን ቬንገር የመጀመሪያ ተሰላፊነት እድል የተረጋገጠለት አጥቂው ኦሊቪየር ዢሩድ በተለይ በያዝነው የውድድር አመት ተቀይሮ በገባባቸው እና የመጀመሪያ ተሰላፊነት እድል ባገኘባቸው ጨዋታዎች ላይ ወሳኝ ግቦችን ማስቆጠር ችሏል።

image

በተለይ በግንባር የሚያገባቸው ግቦች ሚጠቀሱ ሲሆን ክለቡን ከተቀላቀለበት አመት 2012 ጀምሮ ባስቆጠራቸው የግንባር ግቦች(23) ከፕሪሚየር ሊጉ ባንደኝነት ተቀምጧል።

Advertisements