Advertisements
ትኩስ ዜናዎች

ባርሴሎና በመሲ ላይ ትችት የሰነዘረውን ዳይሬክተሩን ከኃላፊነቱ አነሳ

በወንድወሰን ጥበቡ | አርብ ጥር 5፣ 2009 ዓ.ም


ባርሴሎና በኮፓ ዴላሬው ጨዋታ አቻ መለያየቱን ተከትሎ የክለቡ ከፍተኛ ግብ አስቆጣሪና የአምስት ጊዜያት የባሎን ዶር አሸናፊ የሆነውን ተጫዋቹ ሊዮኔል መሲ “ያለአድሬስ ኢንየስታና ኔይማር ጥሩ አይሆንም ነበር።” ሲል አጣጥሎ የተናገረውን አንድ የክለብ ዳይሬክተሩን ከኃላፊነቱ አንስቷል።

ሊዮኔል ሜሲ በሁለት እግሮቹ ሁለት የቅጣት ምቶችን በማስቆጠር  ባርሴሎና አትሌቲክ ቢልባዎን ማሸነፍ በቻለበት ጨዋታ ስለመሲ የጨዋታ ሚና ሲጠየቅ “ሊዮ ብቻ አልነበረም። ሊዮ በቡድኑ ውስጥ ጠቃሚ ከሆኑት ተጫዋቾች መካከል አንዱ ነው። ነገር ግን ባርሴሎና እዚህ ድረስ እየተጓዝ ያለው በመላው ቡድኑ ነው።” ሲል ፔር ግራታኮስ የተሰኘው ዳይሬክተር ምላሽ ሰጥቷል። 

“ሊዮ ምንም እንኳ ምርጥ ተጫዋች መሆኑ ግልፅ ቢሆንም ያለኔይማር፣ ያለስዋሬዝ፣ የለኢንየስታ፣ ያለፒኬ፣ እና ያለሌሎቹ ተጫዋቾች እንደተጫዋች ጥሩ ሊሆን አይችልም ነበር።” በማለትም አክሎ ተናግሯል።

ወቅቱ በባርሴሎናና መሲ መካከል በእጅጉ ችግሮ ያሉበት ነው። ምክኒያቱም ክለቡ በ12 ወራት ጊዜ ውስጥ ታላቁን ተጫዋቹን ተደራድሮ በክለቡ ማቆየት ካልቻለ በነፃ ዝውውር ሊያጠው የሚችልበት ጊዜ ላይ ይገኛል።

ከክለቡ ዳሬክተሮች አንዱ በሆነው ግራታኮስ አስተያየት በርካታ የባርሴሎና ደጋፊዎች በመበሳጨታቸው ክለቡ ዳይሬክተሩ የሚጠበቅበትን ኃላፊነት በአግባቡ አልወጣም በሚል ይህን አስቸኳይ ውሳኔ ሊያሳልፍበት ችሏል።

አርብ ምሽት በወጣው የክለቡ መግለጫ ጋርቶስ “በይፋ ከክለቡ ጋር የሚፃረር አስተያየት በመስጠቱ  ካለው የተቋማዊ ግንኙነት አመራር የስራ ድርሻው እንዲነሳ መደረጉን ገልፅዋል።

ባርሴሌና በግራታኮስ ላይ ያወጣው መግለጫ

ግራታኮስ በክለቡ ማሲያ 360 ፕሮጀክት ላይ እየሰራ የሚቀጥል ቢሆንም በተቋማዊ ግንኙነት የቃል አቀባይነት ስልጣኑ ግን እንዲነሳ ተደርጓል።

የመሲ ወቅታዊ የኮንትራት ስምምነት እስከ2018 የሚዘልቅ ሲሆን፣ የባርሴሎና ምንጮች እንደገለፁት ከሆነ ግን ተጫዋቹ ስምምነቱን በ30.5 ሚ.ፓውንድ ለማደስ ፍላጎት እንዳለው ነገር ግን መደበኛ ድርድር ባለመጀመሩ በደጋፊው ዘንድ ስጋት ፈጥሯል። ዳይሬክተሩ በዚህ ሳምንት ያደረገው አስተያየት ደግም ስጋታቸው ይበልጥ እንዲባባስ ምክኒያት ሆኗል።

Advertisements
%d bloggers like this: