Advertisements
ትኩስ ዜናዎች

አዲስ አበባ ከተማ ወደ አሸናፊነት ለመመለስ አልቻለም

By Eyob Dadi|ጥር 6 ቀን 2009 ዓም


በ አስራ አንደኛው ሳምንት የኢትዮጵያ ፕሪምየር ሊግ የቅዳሜ የአዲስ አበባ ስታድየም ሁለተኛ ጨዋታ ሲዳማ ቡና አዲስ አበባ ከተማን አሸነፈ።

<!–more–>

11:30 ላይ የጀመረው የሁለቱ ቡድኖች ጨዋታ ብዙ የተሳኩ የጎል እድሎች ያልታየበት በመሀል ሜዳ እንቅስቃሴ ያመዘነበት ጨዋታ ነበር።

እንግዳዎቹ በአንጻራዊ በመጀመሪያው ግማሽ ኳሶችን አደራጅተው ለመጫወት ቢሞክሩም አብዛኛዎቹ የተቆራረጡ ነበሩ።ነገርግን ወደ ጎል በመጠጋት ከተጋጣሚያቸው የተሻሉ ነበር።

የጨዋታው ትልቅ የጎል አጋጣሚ የነበረው በ 9ኛ ደቂቃ ላይ ላኪ ያገኘው ግልጽ እድል ያልተመጣጠነ ሀይል በመጠቀሙ የግቡ አንግል የገጨበት ነበር።

የጨዋታው ብቸኛ ጎል የተገኘው በ 41ኛው ደቂቃ ላይ ግሩም አሰፋ ከሳጥን ውጭ መሬት ለመሬት አክርሮ የመታው ኳስ ነበር።

ከእረፍት መልስ የመጨረሻዎቹን 25 ደቂቃዎች አ/አ ከተማዎች የተጨዋች ቅያሪ እና የቅርጽ ለውጥ በማድረግ ለማጥቃት ሞክረዋል።

ሲዳማ ቡናዎች በበኩላቸው ወደ ኋላ በማፈግፈግ በመልሶ ማጥቃት ቢጫወቱም ተጨማሪ ጎል ሳይቆጠር ጨዋታው ተጠናቋል።

ሲዳማዎች በማሸነፋቸው ነጥባቸውን 18 ማድረስ ሲችሉ አዲስ አበባ ከተማዎች በበኩላቸው በነበሩበት 5 ነጥብ ላይ ተቀምጠዋል።

Advertisements
About ዕዮብ ዳዲ (1422 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: