Advertisements
ትኩስ ዜናዎች

የሊጉ መሪ አዳማ ከተማ መሪነቱን የሚያጠናክርበትን እድል ሳይጠቀም ቀረ

By Eyob Dadi|ጥር 6 ቀን 2009 ዓም


የ 11ኛው ሳምንት የኢትዮጵያ ፕሪምየርሊግ ጨዋታዎች ዛሬ ተጀምሯል።

በ አዲስአበባ ስታድየም የተካሄደው የመጀመሪያ ጨዋታ የሊጉ መሪ አዳማ ከነማ በ ኢት ንግድ ባንክ 2-0 ተሸንፏል።

9:00 መጀመር የነበረበት እና ጥቂት ተመልካች በተከታተለው ጨዋታ 18 ደቂቃዎችን ዘግይቶ 9:18 ላይ ተጀምሯል።

ምክንያቱ ደግሞ ለህክምና እርዳታ የሚያገለግለው አንቡላንስ በሰአቱ ባለመድረሱ ተጨዋቾቹ ሜዳ ውስጥ በኳስ እያሟሟቁ ለመጠበቅ ተገደዋል።

በጨዋታ  መጀመሪያ ላይ ወደ ጎል በመጠጋት የተሻሉ መስለው የነበሩት አዳማዎች ቡልቻ ሹራ በራሱ ጥረት ከግራ የሳጥኑ ጠርዝ ላይ የመታው ኳስ የጎን አንግል ገጭቶበት ወጥቷል።

በ 14ኛው ደቂቃም ይኸው ቡልቻ ሹራ አዳማዎች ቀዳሚ ሊሆኑበት የሚችሉበት ግልጽ የግብ አጋጣሚ አበላሽቷል።

ቡልቻ በአዲሱ ሰይፉ ደካማ የመከላከል እንቅስቃሴ ያገኘውን ኳስ ግብ ጠባቂውን ቀድሞ ያገኘውን  ኳሱ ከፍ አድርጎ ቢሞክርም ወደ ውጭ ወጥቶበታል።

ፒተር ንዋድኬ ከጎሉ በኋላ

19ኛው ደቂቃ ላይ የቀድሞ የንግድ ባንኩ አጥቂ ፒተር ንዋድኬ ከተቃራኒ ሳጥን ጠርዝ ላይ አክርሮ በመሬት የመታው ኳስ ለንግድ ባንኮች የመጀመሪያ ጎል ሆኗል።

በሁለተኛው ግማሽ አዳማዎች የተሻሉ ቢመስሉም አሁንም ጎል ለማግባት የታደሉት ኢትዮ ንግድ ባንኮች ነበሩ አግቢው ደግሞ ፍቅረእየሱስ ተ/ብርሀን ነበር።

ይህ ጎል ሲቆጠር የመስመር ዳኛው ከጨዋታ ውጭ በሚል ምልክት ቢያሳዩም ዳኛው አጽድቀውታል።

የአዳማ ተጨዋቾችም ዳኛውን በመቃወም ለተወሰኑ ደቂቃዎች ዳኛውን ለማሳመን ቢሞከሩም ሳይችሉ ቀርተዋል።

ከጎሉ በኋላ አዳማዎች ተጭነው ቢጫወቱም 76ኛው ደቂቃ ላይ ቡልቻ ሹራ ካበላሸው ግሩም አጋጣሚ በቀር ግልጽ እድል መፍጠር ሳይችሉ ተሸንፈው ወጥተዋል።

Advertisements
About ዕዮብ ዳዲ (1422 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: