Advertisements
ትኩስ ዜናዎች

“በአርሰናል ሚኖረኝ የወደፊት ቆይታ ሚወሰነው ከ16 አመቴ ጀምሮ እምነት በጣልኩበት ሰው ነው” – ዌሼክ ሼዝኒ

በምህረት ተስፋዬ/ ጥር 7-4-2009

ለጣሊያኑ ክለብ ሮማ ከ2015/16 የውድድር አመት ጀምሮ በውሰት እየተጫወተ የሚገኘው ዌሼክ ሼዝኒ ስለወደፊት የአርሰናል ቆይታው ከ sky sport Italia ለቀረበለት ጥያቄ ምላሽ ሰቷል።
” ስለወደፊቱ? በአርሰናል ቤት ስለሚኖረኝ ቆይታ ባውቅ ምኞቴ ነው። ስለ ክለቡ ቆይታዬ ከ16 አመቴ ጀምሮ በማምናቸው አሰልጣኝ አርሰን ቬንገር እጅ ላይ ነው”  በማለት ነበረ ለSky Sport Italia ምላሽ  የሰጠው።

image

ተጫዋቹ አርሰናልን የተቀላቀለው በ16 አመቱ ሲሆን ሌጊያ ዋርሶን ለቆ የሰሜን ለንደኑን ክለብ የተቀላቀለው በ2006 ነበር።
በአሰልጣኝ አርሰን ቬንገር ለመጀመሪያ ግዜ በዋናው ቡድን የመሰለፍ እድል የተሰጠው 2009 ላይ ነበር። ከዛም ተጫዋቹ ብቃቱን እንዲያሳድግ 2009/10 የውድድር አመት በውሰት በብሬንትፎርድ እንዲያሳልፍ ተደርጓል።
ከውሰት መልስ ከ 2010-2015 በተለያዩ የውድድር አይነቶች ለክለቡ ተሰልፎ የተጫወተ ሲሆን ከ2010 ጀምሮ እስከ 2015 በ132 የፕሪሚየር ጨዋታዎች ላይ ተሰልፎ መጫወት ችሏል። እንዲሁም በአውሮፓ መድረክ 29 ጨዋታዎችን መጫወት ችሏል።
2014/2015 ዌምብሌ ላይ ተካሂዶ በነበረው የአርሰናል እና የአስቶንቪላ የፌኤ ካፕ የዋንጫ ጨዋታ ተሰልፎ ቡድኑ ለተከታታይ አመት የኤፍ ኤ ካፕ ድል ማብቃት ከቻሉ ተጫዋቾች መካከል አንዱ ነበር።

image

ከዛ ግን ተጫዋቾቹ በጨዋታዎች ላይ በሚያሳየው የትኩረት ማነስ ምክኒያት ጉሎች እየተቆጠሩበት ቡድኑን ዋጋ በማስከፈሉ አይናቸውን ወደ ሌላ የተሻለ ግብ ጠባቂ ፍለጋ እንዲያደርግ የተገደደው አርሰናል ከተቀናቃኛቸው የምእራብ ለንደኑ ክለብ ቼልሲ ፒተር ቼክን አስፈርሟል።
በዚህም ዌሼክ ሼዝኒ የመሰለፍ እድል ባለማግኘቱ እና እራሱን ለማሻሻል ፈላጊው ከነበሩት ክለቦች መካከል አንዱ ለነበረው የጣልያኑ ክለብ ሮማ በውሰት ማቅናቱ ይታወሳል። ተጫዋቹ ከሮማ ጋር ሁለተኛ የውድድር አመቱን እያሳለፈ ይገኛል። በስካሁን ቆይታው በ62 ጨዋታዎች ላይ ተሰልፎ መጫወት ችሏል። ባሳለፍነው የውድድር አመት ክለቡ በሴሪያው የሶስተኛ ደረጃን ይዞ እንዲያጠናቅቅ የበኩሉን ተወቷል። በያዝነው የውድድር አመትም ጥሩ ሚባል አገልግሎት እየሰጠ ሲሆን ባለፉት 5ጨዋታዎች ላይ 2ግቦችን ብቻ አስተናግዷል።
ሮማ ተጫዋቹን በቋሚነት ማስፈረም ይፈልጋል። አርሰናል ተጫዋቹን ለመሸጥ ፍቃደኛ አይደለም እንዲሁም ተጫዋቹ ወደ አርሰናል መመለስ ይፈልጋል። የተጫዋቹ መጨረሻ ይጠበቃል።

Advertisements
About ፈይሰል ኃይሌ (221 Articles)
የኢትዮአዲስ ስፖርት ስራ አስኪያጅ እና የስፖርት ዜናዎች ፀሀፊ
%d bloggers like this: