የስፖርት ዜና

ጋቦን 2017:- ኢንተርናሽናል አልቢተር በአምላክ ተሰማ የምሽቱን ጨዋታ ይመራል

By Eyob Dadi | ጥር 7 ቀን 2009 ዓም


የ2017 የአፍሪካ ዋንጫ በጋቦን አዘጋጅነት ቅዳሜ ምሽት በአዘጋጇ ጋቦን እና ጊኒ ቢሳዎ ባደረጉት ጨዋታ ተጀምሯል።

ዋሊያዎቹ በሚያስቆጭ መልኩ በዚህ ውድድር ላይ መሳተፍ ባይችሉም ኢትዮጵያ ስሟ ሊነሳ የሚችልበት አጋጣሚ አልጠፋም።

ኢንተርናሽናል አልቢተር በአምላክ ተሰማ በካፍ የቻምፕየንስ ሊግ፣በአፍሪካ እና በአለም ዋንጫ የማጣሪያ ጨዋታዎች ላይ ብዙ ትላልቅ ጨዋታዎችን ሲያጫውት ቆይቷል።

በጋቦኑ የአፍሪካ ዋንጫ የሚመሩ የተመረጡ ዳኞች ከወራት በፊት ይፋ ሲደረግ የኢንተርናሽናል አልቢተር በአምላክ ተሰማ  ስም አንዱ ነበር።

በአምላክ ለውድድሩ ሲዘጋጅ የቆየ ሲሆን የመጀመሪያውን ጨዋታውን ዛሬ እሁድ ምሽት በአፍሪካ ዋንጫው በሁለተኛው ቀን በስቴድ ዲ ፍራንሴቪል የሚደረገውን አልጄሪያ ከ ሞዛምቢክ ጋር የሚያደርጉትን ጨዋታ ይመራል።

በጨዋታው ረዳቶቹ የሚሆኑት የብሩንዲው ጃን ክላውድ ቢሩሚሻው እንዲሁም የጊኒው አቡባካር ዶምቦያ መሆናቸው ታውቋል።

Advertisements