Advertisements
ትኩስ ዜናዎች

ማን ዩናይትድ 1-1 ሊቨርፑል፡ የድህረ ጨዋታ ዳሰሳ

በወንድወሰን ጥበቡ | እሁድ ጥር 7፣ 2009 ዓ.ም


ማንችስተር ዩናይትድ በመጨዋታው ማብቂያ ላይ በዝላታን ኢብራሂሞቪች ታግዞ ባስቆጠረው ግብ በአብይ በታሪካዊ ተቀናቃኙ ሊቨርፑል ይደርስበት የነበረውን ሽንፈት ማስቀረት ችሏል።

ዩናይትድ የአቻ ግብ ማስቆጠር የቻለውና በሜዳው ከሊቨርፑል ጋር ያደረገውን ጨዋታ 1ለ1 በሆነ ውጤት ያጠናቀቀው በዝላታን ኢብራሂሞቪች ግብ ያስቆጠረው ጨዋታው ሊጠናቀቀቅ ስድስት ደቂቃዎች በቀረው ሰዓት ላይ ነበር።

ለዩናይትድ ግብ መቆጠር ፖል ፖግባ ኳስን በፍፁም ቅጣት በእጁ በመንካት ለሊቨርፑል የፍፁም ቅጣት ምት አስገኝቶ ቀዳሚ ግብ እንዲቆጠርባው የማድረጉን ጥፋት ቢፈፅምም ለዝላታን ኢብራሂሞቪች በአስር ጨዋታ 10ኛ ግብ መሆን የቻለችው ግብ በጭንቅላት ተገጭታ ከመርብ ልታርፍ ችላለች።

ጄምስ ሚልነር በ27ኛው  ደቂቃ ያስቆጠራት የውድድር ዘመኑ ስድስተኛው የሆነችው የፍፁም ቅጣት ምት ግብ ሊቨርፑል ለረጅም ደቂቃዎች ጨዋታውን መምራት እንዲችሉ አግዛቸው ነበር።

ሚልነር ቀዳሚዋን ግብ ከማስቆጠሩ ቀደም ብሎ ፖግባ ቀያይ ሰይጣኖቹን የሚያስቆጭ የግብ ዕድል ያመከነ ሲሆን፣ ሲሞን ሚኞሌም በመጀመሪያው አጋማሽ ከኢብራሂሞቪችና ሂነሪክ ሚኪታሪያን የተቃጡበትን ወሳኝ የግብ ሙከራዎች ማዳን ችሏል። ነገር ግን ከአንጋፋው ስዊዲናዊ አጥቂ የተላከበትን የግብ ሙከራ ግን ማክሸፍ ሳይችል ቀርቷል።

ዩናይትድ በሁሉም ጨዋታዎች ላይ ያደረገው ተከታታይ የድል ጉዞ በዚህ ጨዋታ የተገታ ቢሆንም ባገኘው አቻ ውጤት ታግዞ በደረጃ ሰንጠረዡ በሁለተኛ ደረጃ ከሚገኘው ቶተንሃም በአምስት ነጥቦች ብቻ በመራቅ በስድስተኛ ደረጃ ላይ መቀመጥ ችሏል።

በሌላ በኩል ሊቨርፑል በሁሉም ጨዋታዎች ላይ ያደረጋቸውን አራት ተከታታይ ጨዋታዎች ማሸነፍ ካለመቻሉም ባሻገር ከመሪው ቼልሲ በሰባት ነጥቦች ርቆ ባለፉት በርካታ ሳምንታት ከነበረው የሁለተኝነት ደረጃ በአንድ ዝቅ ብሎ ሶስተኛ ደረጃ ላይ ለመቀመጥ ተገዷል።

Advertisements
%d bloggers like this: