Skip to content
Advertisements

የተረጋገጠ፣ የስፔኑ ቫሌንሺያ የጁቬንቱሱን አጥቂ ማስፈረሙን አረጋገጠ

By Eyob Dadi|ጥር 8 ቀን 2009 ዓም


ቫሌንሺያ የጁቬንቱሱን አጥቂ ሲሞን ዛዛን ማስፈረሙን አረጋገጠ።ክለቡ ተጨዋቹን ያስፈረመው በውሰት ውል እንደሆነም ታውቋል።

ተጨዋቹ ለዌስትሀም በውሰት ተሰጥቶ የነበረ ሲሆን ውጤታማ ጊዜ ሳያሳልፍ በመቅረቱ ከለንደኑ ክለብ ጋር ያለውን ቆይታ አጠናቋል።

ለስፔኑ ቫሌንሺያ ድረገጽ የተናገረው ዛዛ “በጣም ተደስቻለው። እዚህ የመጣሁት ደጋፊውን ስለምወደው ነው። ዛሬ ወደ ስታድየም ሄጄ ጨዋታ ተመልክቻለው ደጋፊው አስደናቂ ነበር።

“የተመለከትኩት ጥሩ ቡድን ነው፣ በተቃራኒ ቀላል ቡድን አልገጠማቸውም ነገርግን ጥሩ ስብእና ያላቸው ትላልቅ ተጨዋቾችን ተመልክቻለው።

“አስቸጋሪ የሆነ ወቅት አሳልፊያለው ነገርግን መስራት የምችለውን ነገር ማሻሻል እፈልጋለው። እንዴት መጫወት እና ጎል ማስቆጠር እንዳለብኝ የማውቅ ተጨዋች ነኝ።

“በግሌ የምሰራቸው ነገሮች አያስደስቱኝም። ከቡድኔ ጋር በጋራ ስንሆን ግን ጥሩ ስሜት ይሰማኛል።” ሲል ተናግሯል።

ጁቬንቱስ ተጨዋቹን ከሳሱሎ ማስፈረሙ ይታወሳል።

Advertisements

ዕዮብ ዳዲ View All

ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።

%d bloggers like this: