Advertisements
ትኩስ ዜናዎች

ያልተጠበቀ: የሪያል ማድሪድ ያለመሸነፍ ጉዞ በሲቪያ ተገታ።


በሚኪያስ በ. ወርዶፋ | እሁድ ጥር 7, 2009

የቀድሞው የማንችስተር ሲቲ ተጫዋች ስቴቨን ጆቬቲች በመጨረሻው ደቂቃ ያስቆጠራት ግብ የስፔኑን ክለብ በሁሉም ውድድሮች ላይ ለተከታታይ 40 ጨዋታዎች ይዞት የነበረውን ያለመሸነፍ ሪከርድ መግታት ችላለች። በጨዋታው ላይ ሲቪላዎች ከመመራት ተነስተው ጨዋታውን 2-1 በሆነ ውጤት ማሸነፍ ችለዋል። 

በጨዋታው ላይ በ 67 ደቂቃ ክርስቲያኖ ሮናልዶ የላሊጋውን 56 ኛ  ፍፁም ቅጣት ምቱን አስቆጥሮ ክለቡን መሪ ማድረግ ቢችልም ጨዋታው ሊያልቅ አምስት ደቂቃዎች በቀሩበት ሰአት ሰርጂዮ ራሞስ እራሱ መረብ ላይ ባስቆጠረው ግብ ሲቪላዎች አቻ መሆን የቻሉ ሲሆን በመጨረሻው ደቂቃም ጆቬቲች ሁለተኛውን ጎል አስቆጥሮ የሊጉን መሪ ማቆም ችሏል።  

ጆቬቲች ባሳለፍነው ሀሙስ በ 3-3 አቻ ውጤት በተጠናቀቀው የሁለቱ ቡድኖች የኮፓ ደላሬይ ጨዋታ ላይ አንድ ግብ ያስቆጠረ ሲሆን በአራት ቀን ውስጥ ለሁለተኛ ተከታታይ ጊዜ ዛሬም የማድሪድን ግብ መድፈር ችሏል። 

የዛሬው ውጤትም ማድሪድ (አንድ ቀሪ ጨዋታ ቢኖረውም) ከተከታዩ ሲቪላ ጋር የነበረውን የነጥብ ልዩነት ወደ አንድ ሲያጠብበት ከባርሴሎና ጋር ደሞ በሁለት ነጥቦች ከፍ ብሎ እንዲቀመጥ አስገድዶታል። ባርሴሎና በትናንትናው ምሽት ጨዋታ የ 5-0 ሰፊ ድል ማስመዝገቡ ይታወሳል። 

Advertisements
About ሚኪያስ በቀለ (441 Articles)
ይህን ዘገባ ያቀረብኩላችሁ የኢትዮአዲስ ስፓርት ኤዲተርና ፀሀፊ እኔ ሚኪያስ በቀለ ነኝ።
%d bloggers like this: