በ ወንድወሰን ጥበቡ | ማክሰኞ ጥር 8፣ 2009 ዓ.ም


የፕሪሚየር ሊጉ ዳኛ ማይክ ዲን ከፕሪሚየር ሊጉ በታች ወደሚገኘው ፕሪሚየር ሺፕ ዝቅ ብለው ቅድሜ በበርንስሌይና በሊድስ ዩናይትድ መካከል የሚደረገውን የዮርሻየር ደርቢ እንዲዳኙ ተደርገዋል።

የ48 ዓመቱ ዳኛ ዌስትሃም ከማንችስተር ዩናይትድ ጋር ባደረገው ጨዋታ የዌስትሃሙን ሶፊን ፌጉሊን በቀይ ካርድ ያስወጡበት ምክኒያትን ጨምሮ በበዓል ሰሞኑ የፕሪሚር ሊግ ጨዋታዎች ላይ የወሰዷቸው ውሳኔዎች በርካታ ትችቶችን እንዲሰነዘርባቸው አድርጎ ነበር።

ቆይቶ ግን ለተጫዋቹ የተሰጠው ቀይ ካርድ ተነስቶለታል። እንዲሁም ማይክ ዲን ታህሳስ 19 በተደረገው የመርሲሳይድ ደርቢ ጨዋታ ላይ የኤቨርተኑ ተጫዋች ሮዝ ባርክሌይ በጆርዳን ሄንደርሰን ላይ በፈፀመው ጥፋት ከሜዳ ሳያስወጡት ቀርተዋል።

    በሳምንቱ መጨረሻ የሚደረጉ የፕሪሚሊጉ ጨዋታዎችን የሚዳኙ ዳኞች

    ሊቨርፑል ከ ስዋንሲ፡ ኬቨን ፍሬንድ 

    ቦርንማውዝ ከ ዋትፎርድ: ሊ ማሰን

    ክሪስታል ፓላስ ከ ኤቨርተን: አንቶኒ ቴይለር

    ሚድልስብሮ ዌስትሃም: ማርቲን አትኪንሰም

    ስቶክ ሲቲ ከ.ማንችስተር ዩናይትድ: ማርክ ክላተንበርግ

    ዌስትብሮም ከ ሰንደርላንድ: ክሬግ ፓውሰን

    ማን ሲቲ ከ ቶተንሃም: አንድሬ ማሪነር

    ሳውዛምፕተን ከ ሌስተር ሲቲ: ሚካኤል ኦሊቨር

    አርሰናል ከ በርንሌይ: ጆናታን ሞስ

    ቼልሲ v ኸል ሲቲ: ኔል ስዋርብሪክ

    ዩናይትድ በለንደን ስታዲየም ዌስትሃምን 2ለ0 ካሸነፈበትና የዝላታን አነጋጋሪ የጨዋታ ውጪ ግብ ካፀደቁበት ጨዋታ ወዲህ ዲን ቶተንሃም አስቶንቪላን በኤፍኤ ዋንጫው 2ለ0 የረታበትንና ባለፈው ቅዳሜ ስቶክ ሲቲ ሰንደርላንድን 3ለ1 የረታበትን ጨዋታዎች ዳኝተዋል።

    ከአወዛጋቢነት የፀዱት ሁለት ጨዋታዎች ግን ማይክ ዲን በሳምንቱ መጨረሻ  ወደታችኛው ዲቪዚዮን ወርደው ከማጫወት እንዲቀሩ ግን አልታደጋቸውም።

    Advertisements