Advertisements
ትኩስ ዜናዎች

ጋቦን 2017: – የኢሳክ ኢሴንዴ ስህተት ክሬንሶቹን ዋጋ አስከፈለ

By Eyob Dadi| ጥርበ9 ቀን 2009 ዓም


የምስራቅ አፍሪካዋ ብቸኛ ተወካይ የሆነችው ዩጋንዳ በጋቦኑ የአፍሪካ ዋንጫ የምድብ አራት የመጀመሪያ ጨዋታ በጋና ተሸንፋለች።

ጋናዎች በእንቅስቃሴ እና በጎል ሙከራ የበላይ በነበሩበት የመጀመሪያው ግማሽ ተደጋጋሚ ሙከራዎችን አድርገዋል።

የመጀመሪያ ጎላቸውንም በአይዛክ ኢሲንዴ ስህተት ጋናዎች ያገኙትን የፍጹም ቅጣት አንድሪው አዩ አስቆጥሯል።

ከጎሉ በኋላ ክሬንሶቹ በፋሩክ ሚያ አማካኝነት ያገኙት ግሩም ኳስ አንግል ታኮ ወጥቶባቸዋል።

አይዛክ ኢሲንዴም በጥሩ አቋቋም ላይ ሆኖ የጭንቅላት ኳስ ተሻምቶለት የነበረ ቢሆንም ኳሱን ሳይገጨው አልፎት ሄዷል።

በሁለተኛው አጋማሽ ጋናዎች ውጤቱን ለማስጠበቅ ወደኋላ አፈግፍገው ሲጫወቱ ዩጋንዳዎች የአቻ ጎል ለመፈለግ ተጭነው ተጫውተዋል።

በጨዋታው መጠናቀቂያ ላይ ክርስቲያን አትሱ የሞከረው ድንቅ ኳስ በዴኒስ ኦኒያንጎ ድንቅ ብቃት ተመልሷል።

ዩጋንዳዎች በበኩላቸው የሚቾ የተጨዋቾች ለውጥ በሁለተኛው ግማሽ ጨዋታው እንዲለወጥ ምክንያት እንደሆነ መመልከት ይቻላል።

በፋሩክ ሚያ፣ጂኦፍሬይ ማሳ አማካኝነት አቻ ለመሆን የሞከሩት ጥሩ  ኳስ ፍሬ ማፍራት ሳይችል ተሸንፈው ቢወጡም በሁለተኛው ግማሽ የተሻለ እንቅስቃሴ አሳይተዋል

Advertisements
About ዕዮብ ዳዲ (1151 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: