Advertisements
ትኩስ ዜናዎች

ማንችስተር ዩናይትድ መምፊስ ደፓይን ለመሸጥ ከስምምነት ላይ ደረሰ

በወንድወሰን ጥበቡ | ረቡዕ ጥር 10፣ 2009 ዓ.ም


ማንችስተር ዩናይትድ ሆላንዳዊውን ተጫዋቹን መምፊስ ደፓይን ለፈረንሳዩ ክለብ ሊዮን 21.6 ሚሊዮን ፓውንድ በሚደርስ ዋጋ ለመሸጥ ከስምምነት ላይ መድረሱን የእንግሊዙ ሚዲያ ሜልኦንላየን ማምሻውን ዘግቧል።

ሁለቱ ክለቦች መነሻ ዋጋው 16 ሚሊዮን ፓውንድ ሆኖ የሊዮን የሻምፒዮንስ ሊግ ተሳትፎ ታይቶ በዋጋው ላይ ተጨማሪ የሚሆን ክፍያ ለመክፈል ከስምምነት ላይ ደርሰዋል።

ዩናይትድም በተጫዋቹ የዝውውር የስምምነት አንቀፅ ላይ ተጫዋቹን መልሶ መግዛት የሚችልበት አማራጭ አንቀፅ አስፍሯል።

ደፓይ በዚህ የውድድር ዘመን 

ተሰለፈ: 4

የመጀመሪያ ተሰላፊ ሆነ: 0

ግቦች: 0

አቀበለ: 0

ኳስ የማቀበል ስኬት: 71%

* መረጃው የፕሪሚየር ሊጉ ቁጥራዊ መረጃ  ብቻ ነው።

ደፓይ ዩናይትድን ከሆላንዱ ክለብ ፒኤስቪ 25 ሚሊዮን ፓውንድ በሆነ ዋጋ ተቀላቅሎ 100,000 ፓውንድ ሳምንታዊ ደመወዝ እያገኘ ቢቆይም በክለቡ የተጠበቀውን ያህል ተፅእኖውን ማሳረፍ ሳይችል ቆይቷል።

ደፓይ በፈረንሳዩ ክለብ በዚህ ሳምንት የስራ ቀን መጨረሻ የህክምና ምርመራ የሚያደረግ ሲሆን፣ ለክለቡ አራት ዓመት ከግማሽ ጊዜ የሚያቆየውን ኮንትራት ለመፈረምም ከስምምነት ላይ ደርሷል።

Advertisements
%d bloggers like this: