Advertisements
ትኩስ ዜናዎች

ጋቦን 2017: – አዘጋጇ አገር አሁንም ማሸነፍ አልቻለችም

By Eyob Dadi|ጥር 10,2009 ዓም


አምስተኛ ቀኑ ላይ የደረሰው የ 2017 የአፍሪካ ዋንጫ ሁለተኛ ጨዋታዎች ዛሬ ጀምረዋል።

በምድብ አንድ ሁለተኛ ጨዋታቸውን ያደረጉት አዘጋጇ ጋቦን እና ቡርኪናፋሶ ሳይሸናነፉ 1-1 ተለያይተዋል።

ተመጣጣኝ እንቅስቃሴ የነበረው የመጀመሪያው ግማሽ የሁለቱ ቡድኖች ጨዋታ በጎል ሙከራዎች ያልታጀበ የነበረ ቢሆንም ወደ ጎል ቀርበው ያገኟቸው ብቸኛ አጋጣሚዎች ሁለቱም ቡድኖች በመጠቀም 1-1 ወደ መልበሻ ቤት አቅንተዋል።

ቅድሚያ ጎል ማግባት የቻሉት እንግዳዎቹ ሲሆኑ ናኩልማ ከራሱ የግብ ክልል በፍጥነት በመሮጥ ከሁለት የጋቦን ተከለካዮች ጋር እና ግብ ጠባቂውን አሸንፎ ግሩም ግብ አስቆጥሯል።

ተጨዋቹ ከጎሉ በኋላ የነበረው የደስታ አገላለጽ ዘና የሚያደርግ ነበር።

32ኛ ደቂቃ ላይ ጋቦኖች ከመሀል የተሻገውን ኳስ አውባሚያንግ ፍጥነቱን በመጠቀም ከግብጠባቂው ቀድሞ ደርሶ ለማለፍ ሲሞክር ተጠልፎ ወድቆ ያገኘውን ፍጹም ቅጣት ምት በማስቆጠር ጋቦኖቹን አቻ አድርጓል።

በሁለተኛው ግማሽ ሁለቱም ቡድኖች ለመሸናነፍ የተጫወቱ ሲሆን ተጨማሪ ጎል ለማግባት ተቃርበው ነበረ።

ቡርኪናፋሶ በካማራ እና በዲያዋራ ያደረጉት ሙከራ በጋቦን ግብጠባቂ ተመልሶባቸዋል።

ቦውንጋ

ጋቦኖቹም በበኩላቸው 80 ኛው ደቂቃ ላይ  ያገኙትን ግሩም አጋጣሚ ቦውንጋ ቢሞክርም በእለቱ በጥሩ ብቃት ላይ የነበረው የቡርኪናው ግብጠባቂ ኮፊን አልፎ ጎል መሆን አልቻለም።

20 ቁጥር ለባሹ ይህ ተጨዋች ግሩም እንቅስቃሴ ሲያደርግ አምሽቷል።

ጨዋታውም በአቻ ውጤት በመጠናቀቁ ሁለቱም የምድባቸውን ሁለተኛ ጨዋታን በአቻ ውጤት በማጠናቀቃቸው 2 ነጥብ ላይ ለመቀመጥ ተገደዋል።

ይህን ጨዋታ በ አራተኛ ዳኛ ሆኖ የመራው ኢትዮጵያዊው ኢንተርናሽናል አልቢትር በአምላክ ተሰማ ነበር።

 

Advertisements
About ዕዮብ ዳዲ (1357 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: