Advertisements
ትኩስ ዜናዎች

11 ኛ ሳምንት: – የኢትዮጵያ ፕሪምየርሊግ ቁጥሮች

By Eyob Dadi|ጥር 10 ቀን 2009 ዓም


የ2009 ዓም የኢትዮጵያ ፕሪምየርሊግ 11ኛ ሳምንት ጨዋታዎች ተጠናቀው 12ኛ ሳምንት ጨዋታዎች ቅዳሜ እና እሁድ ይካሄዳሉ። እስከ 11ኛ ሳምንት መጨረሻ ድረስ የተመዘገቡት ቁጥራዊ መረጃዎች  አቅርበንላችኋል።


1′-አዲስ አበባ ከተማ፣ሀዋሳ ከተማ እና ኢትዮ ኤሌትሪክ ትንሽ ጊዜ ያሸነፉ ቡድኖች ናቸው።ሰዎስቱ ቡድኖች በዘንድሮው የፕሪምየርሊግ ጨዋታ ማሸነፍ የቻሉት በተመሳሳይ 1 ጨዋታ ብቻ ነው።


1′- እስካሁን ሰዎስት ጎል በማስቆጠር ሀትሪክ መስራት የቻለው 1 ተጨዋች ብቻ ሲሆን እሱም የሊጉ ኮከብ ጎል አስቆጣሪ ጌታነህ ከበደ ነው።ጌታነህ በሊጉ የመጀመሪያ ሳምንት ኢትዮ ቡና ላይ ሀትሪክ መስራቱ ይታወሳል።


2′- በክብረአብ ዳዊት ድንገተኛ ሞት ምክንያት የተራዘመው የባንክ እና የሀዋሳ ከነማ እንዲሁም በጸጥታ ጉዳይ ከተራዘመው ከፋሲል እና ከወላይታ ድቻ 2 ጨዋታዎች በስተቀር ሁሉም ቡድኖች እኩል 11 ጨዋታ አድርገው አጠናቀዋል።


ወልዲያ ስፓርት ክለብ

2′- ወልዲያ ስፓርት ክለብ እስካሁን በማጥቃት ላይ ደካማ መሆኑን ቁጥሮች ይናገራሉ።እስከ አስራአንደኛ ሳምንት ድረስ አንዷለም ንጉሴ(አቤጋ)ኢትዮ ንግድ ባንክ ላይ ያስቆጠራት የመጀመሪያ ሳምንት ጎል እንዲሁም በድሩ ኑርሁሴን ዘጠነኛ ሳምንት ላይ ኢትዮ ቡና ላይ ካስቆጠረው ጎል፣በአጠቃላይ ከ2 ጎል በቀር ቡድኑ ምንም ጎል ማግባት አልቻለም። 


4′- ቅ/ጊዮርጊስ እና ፋሲል ከነማ ጥቂት ጎል ብቻ በማስተናገድ ጠንካራ የተከላካይ ክፍል እንዳላቸው አሳይተዋል።ሁለቱ ቡድኖች እያንዳንዳቸው ያስተናገዱት ጎሎች በቁጥር 4 ብቻ ነው።


8′-አዲስ አበባ ከተማ ብዙ ጊዜ በመሸነፍ ቅድሚያውን ይዟል።አዲስ አዳጊው የዋና ከተማው ተወካይ በቁጥር 8 ጊዜ ተሸንፏል።


9′- የአስራ አንደኛ ሳምንት ጨዋታዎች በጎል ድርቅ የተመታ ሳምንት ነበር።በ 2009 ዝቅተኛው ጎል የተቆጠረው በዚሁ የ አስራአንደኛ ሳምንት ሲሆን የጎል ብዛቱም 9 ብቻ ነው።


9′– እስካሁን 9 ከኢትዮጵያ ውጭ ዜግነት ያላቸው ተጨዋቾች ጎል በማስቆጠር ስማቸው አጽፈዋል።


ጌታነህ ከበደ

10′- የሊጉ ከፍተኛ ጎል አስቆጣሪ ሆኖ የሚመራው ጌታነህ ከበደ ያስቆጠረው የጎል ብዛት 10 ነው።የ2008 ቱ የኮከብ ጎል አስቆጣሪው ታፈሰ ተስፋዬ አምና በ 11 ሳምንት ውስጥ 8 ጎል አስቆጥሮ ነበር።


16′- የሊጉ መሪ ቅ/ጊዮርጊስ ብዙ ጎልም በማግባት ይመራል።ቡድኑ 16ጎሎችን አስቆጥሯል።


17′- የተከላካይ መስመሩ ላይ እርምት መውሰድ የሚገባው ሀዋሳ ከነማ 17 ጎል በማስተናገድ ከሌሎች ቡድኖች የተለየ ያደርገዋል።ይህም በአማካይ 1.55 ጎሎች በጨዋታ ያስተናግዳል።


21′- 2008 ላይ ከአስራአንድ ጨዋታዎች 23 ነጥቦችን ሰብስቦ የነበረው ቅ/ጊዮርጊስ በ 2009 ፕ/ሊግ በተመሳሳይ ጨዋታዎች 21 ነጥቦችን በመሰብሰብ ሊጉን እየመራ ይገኛል።


80′-የራሳቸውን ጎል ላይ ያስቆጠሩ ጨምሮ በጠቅላላው ከመረብ ጋር የተዋወቁ የተጨዋቾች ቁጥር እስከ አስራአንደኛው ሳምንት ድረስ 80 ደርሷል።


148′- ጠቅላላ የተቆጠሩ የጎል ብዛት እስከ አስራአንደኛው ሳምንት ድረስ 148 ናቸው።

Advertisements
About ዕዮብ ዳዲ (1028 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: