By Eyob Dadi|ጥር 11,2009 ዓም


ከቅ/ጊዮርጊስ ጋር በቅርቡ የተለያየው እና የዩጋንዳ ብ/ቡድን የመሀል ተከላካይ የሆነው ኢሳክ ኢሲንዴ ይቅርታ ጠይቋል።

“ክሬንሶቹ”እየተባሉ የሚጠሩት ዩጋንዳዎች ከረጅም አመት በኋላ በጋቦኑ የአፍሪካ ዋንጫ እየተሳተፉ የሚገኙ ሲሆን የመጀመሪያ ጨዋታቸውን በጋና ተሸንፈዋል።

ቡድኑ በስቴድ ዲ ፓርት ጀንቲል 1-0 ሲሸነፍ ጋናዎች የፍጹም ቅጣት ምት እንዲያገኙ አሳሞሀ ጂያንን በመያዝ ትልቅ ስህተት በመፈጸም ዩጋንዳዎችን ዋጋ ያስከፈለው ኢሳክ ኢሲንዴ የቡድን ጓደኞቹን እና የዩጋንዳ ህዝብን ይቅርታ ጠይቋል።

“በእግርኳስ መሸነፍ ስሜትን ይጎዳል፣በተጨማሪ በኔ ስህተት ቡድኔን ዋጋ በማስከፈሉ መጥፎ ስሜት ተሰምቶኛል፣ዩጋንዳዎችን በሙሉ እና የቡድን ጓደኞቼን ይቅርታ እጠይቃለው”

ምንም እንኳን ቡድኑ ቢሸነፍም በቀጣዩ ጨዋታ ጥሩ ነገር መስራት እንደሚችለየ ይናገራል።

“በቀጣዩ ጨዋታ ጥሩ ነገር መስራት እንደምንችል ማመን ይኖርብናል።አሁን ከጋና ጋር የነበረው ጨዋታ የኋላ ታሪክ ነው፣ከአንድ ስህተት ውጭ ጥሩ ተጫውተናል።እንደ ተጨዋች በነበረን አቋም ደስተኛ ብሆንም በውጤቱ ግን ተከፍቻለው።”

ክሬንሶቹ ቅዳሜ ከግብጽ ጋር የምድባቸውን ሁለተኛ ጨዋታ የሚያደርጉ ይሆናል።

Advertisements