Advertisements
ትኩስ ዜናዎች

ፍራቻ: ዩናይትድ በቋሚነት የፀረ ሽብር ግብረ ሀይል ሀላፊ በኦልትራፎርድ ቀጠረ። 

በሚኪያስ በ. ወርዶፋ | ረቡዕ ጥር 10, 2009

ከእንግሊዙ ክለብ የተሰጠውን መግለጫ ጠቅሶ የእንግሊዙ ቴሌግራፍ ጋዜጣ እንደፃፈው ዩናይትድ በቋሚነት የፀረ ሽብር ግብረ ሀይል ሀላፊ በመቅጠር ከእንግሊዝ ክለቦች የመጀመሪያ ሆኗል።   

እንደ ክለቡ መግለጫ ከሆነ ቅጥሩ ያስፈለገበት ምክንያት በስታዲየሞች ዙሪያ እየታየ ካለው የሽብር አደጋ ፍራቻ ጋር መሆኑ ተነግሯል።  

አዲሱ የስራ ሀላፊነት ቅጥርም በቅርቡ በክለቡ ስብሰባ ላይ በይፋ የተገለፀ ሲሆን ለስራውም በታላቁ ማንችስተር ከተማ የፓሊስ ልዩ ክፍል ባለሙያ የሆኑ ሰው መታጨታቸው ታውቋል።  

ከበርንማውዝ ጋር በነበረው ጨዋታ የውሸት ቦንብ በኦልትራፎርድ ሽንት ቤት ውስጥ ተጥሎ ከተገኘ ወዲህ ክለቡ የስታዲየሙን የጥበቃ ሁኔታ በይበልጥ አሻሽሏል።  

ከዛ ቀን ወዲህም የሙሉ ሰውነት ፍተሻ የሚደረግ ሲሆን መኪኖች ወደ ስታደየሙ መኪና ማቆሚያ ከመግባታቸው በፊት ጥብቅ ፍተሻ ይከናወንባቸዋል። 

ባሳለፍነው ህዳር ሁለት ደጋፊዎች በይፋዊ ጉብኝት ሰበብ ወደ ኦልትራፎርድ ከገቡ በኃላ የማንችስተርንና የአርሰናልን ጨዋታ ለማየት በማሰብ በስታዲየሙ ሽንት ቤቶች ውስጥ የተደበቁ ሲሆን በመጨረሻም በጨዋታው የመጀመሪያ አጋማሽ ላይ ተይዘው ለፓሊስ ተሰጥተዋል።

ነገር ግን ፓሊስ በሁለቱ ደጋፊዎች ላይ ክስ ሳይመሰርትባቸው በነፃ እንደለቀቃቸው ይታወሳል።

Advertisements
About ሚኪያስ በቀለ (320 Articles)
ይህን ዘገባ ያቀረብኩላችሁ የኢትዮአዲስ ስፓርት ኤዲተርና ፀሀፊ እኔ ሚኪያስ በቀለ ነኝ።
%d bloggers like this: