Advertisements
ትኩስ ዜናዎች

ጋቦን 2017: – አዘጋጇ ጋቦን እና ጊኒ ቢሳዎ ቀጣይ ተሰናባች አገር ሆኑ

By Eyob Dadi |ጥር 15,2009 ዓም


የ 2017 የጋቦን የአፍሪካ ዋንጫ የምድብ የመጨረሻ ጨዋታዎች ዛሬ የተጀመሩ ሲሆን የምድብ አንድ ሁለት ጨዋታዎች በተመሳሳይ ሰአት ተደርገዋል።

ጋቦን፣ካሜሮን፣ቡርኪናፋሶ እና ጊኒ ቢሳዎ የሚገኙበት ምድብ ሁሉም የማለፍ እድል ይዘው የመጨረሻውን ጨዋታ አድርገዋል።

ከካሜሮን ጋር ተጫውታ የማሸነፍ ግዴታ ውስጥ ገብታ የነበረችው አዘጋጇ ገቦን ማሸነፍ ሳትችል ቀርታለች።

በመጀመሪያዎቹ ደቂቃዎች ተደጋጋሚ የጎል እድሎችን ያገኙት ጋቦኖች ወደ ጎል መቀየር አልቻሉም። በተለይ ኦውባሚየንግ ያልተጠቀመበት ኳስ ዋጋ አስከፍሏቸዋል።

ወደ ጨዋታው ዘግየት ብለው የገቡት ካሜሮኖች ጥንቃቄ ላይ ያመዘነ እንቅስቃሴ ቢያደርጉም ጎል ለማግባት ያደረጉት ጥረት ውስን ነበር።

ጨዋታውም ያለግብ 0-0 በሆነ ውጤት በመጠናቀቁ ጋቦኖች ከውድድሩ ውጭ ሆነዋል።

ሌላው በተመሳሳይ ሰአት ሲደረግ የነበረው የምድቡ ጨዋታ ቡርኪናፋሶ ጊኒ ቢሳዎን 2-0 አሸንፈዋል።

ለቡርኪና ጎሎቹን ሩዲንልሰን በራሱ ጎል ላይ እንዲሁም ትራኦሬ ሁለተኛውን ጎል አስቆጥሯል።

ጊኒ ቢሳዎ ጥሩ ፉክክር የደረጉ ሲሆን ያገኟቸውን አጋጣሚዎች ወደ ጎል መቀየር ሳይችሉ ቀርተዋል።

ይህን ጨዋታ ኢትዮጵያዊው በአምለክ ተሰማ መርቶታል።

በዚህም መሰረት አዘጋጇ ገቦን እነ ጊኒ ቢሳዎ ዩጋንዳን ተከትለው ሌሎች ተሰናባች አገሮች ሲሆኑ፣ካሜሮን እና ቡርኪናፋሶ ከምድብ አንድ ወደ ሩብ ፍጻሜ የተቀላቀሉ ቡድኖች ሆነዋል።

Advertisements
About ዕዮብ ዳዲ (1028 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: