በ Eyob Dadi | ጥር 15፣ 2009 ዓም


ኤቨርተን የመስመር ተጨዋቹ ወደ ጣሊያኑ አንጋፋ ክለብ ማቅናቱን አረጋገጠ።

ስፔናዊው ጄራርድ ዴሉፉ እስከ አመቱ መጨረሻ ድረስ በጣሊያኑ ኤሲ ሚላን በውሰት እንደሚቆይ ነው ኤቨርተን ያሳወቀው።

የ22 አመቱ ተጨዋች በኤቨርተን ብዙ የመጫወት እድል የተነፈገው ሲሆን ቡድኑን ወክሎ የተሰለፈው ለ 13 ጊዜ ብቻ ነው።

የቡድኑ አሰልጣኝ ሮናልድ ኩማን ባሳለፍነው ሳምንት ተጨዋቹ የተሻለ የጨዋታ እድል እንዲያገኝ ቡድኑን እንዲለቅ ፈቃድ እንደተሰጠው መናገራቸው ይታወሳል።

ስፔናዊው ተጨዋች በ 2013/2014 የውድድር ዘመን ከባርሴሎና በውሰት ወደ ኤቨርተን ካቀና በኋላ በ 2015 በ 4.3 ሚ ፓውንድ ዝውውሩ ቋሚ ሆኗል።

ኤሲ ሚላን አርብ የተጨዋቹን ዝውውር በትዊተር አካውንቱ ላይ ይፋ ቢያደርግም ከጥቂት ደቂቃዎች በኋላ አጥፍቶታል።

አሁን ግን ኤቨርተኖች በይፋ ተጨዋቹ ወደ ጣሊያን ማቅናቱን አረጋግጠዋል።

Advertisements