Advertisements
ትኩስ ዜናዎች

የቶተንሃም ሆትስፐርስ ተጫዋቾች ባርሴሎና ምን ይሰራሉ?

ወንድወሰን ጥበቡ | ሰኞ ጥር 15፣ 2009 ዓ.ም


የቶተንሃሞቹ ከዋክብት ሞሳ ዴምቤሌ፣ ሚሸል ቮርም እና ያን ቨርቶንግኸን ክለባቸው በፕሪሚየር ሊጉ ከመመራት ተነስቶ በአሰገራሚ ሁኔታ አቻ ከተለያየ በኋላ የሳምንቱ መጨረሻ ቀንን በባርሴሎና እያሳለፉ እንደሚገኙ የሚገልፅ ፎቶ ግራፍ ማህበራዊ ሚዲያውን ተጠቅመው ለጥፈዋል።

የስፐርሶቹ ተጫዋቾች ከማንችስተር ሲቲ ጋር አቻ ከተለያዩ በኋላ ከ24 ባነሰ ጊዜ ውስጥ በስፔኗ ሁለተኛዋ ትልቅ ከተማ በርሴሎና ምግብ በጋራ ሲመገቡ የሚያሳየውን ፎቶግራፍ ለቀዋል።

አሰልጣኙ ማውሪሲዮ ፖቸቲኒም ጠቃሚ የሆነውን ነጥብ ከማንችስተር ሲቲ ጋር ከተጋሩ በኋላ ቀጥሎ ከዌይኮምብ ዋንዳረርስ ጋር ከሚያደርጉት የኤፍኤ ዋንጫ ጨዋታ በፊት በሞቃታማ ስፍራዎች ላይ የፀደይ ወራትን የልምምድ ስፍራቸውን ለአጭር ጊዜም ቢሆን ለማዞር ምርጫቸው አድርገዋል።

የማህበራዊ ሚዲያውን ድረገፅ ኢንስታግራምን ተጠቅሞም የ29 ዓመቱ ቤልጂየማዊው የስፐርሶቹ አማካኝ ሞሳ ዴምቤሌ ለ345,000 ተከታዮቹ የጉዟቸውን አንድ ገፅታ የሚያሳየውን ፎቶ ግራፍ አጋርቷል።

ስፐርሰቹ  ከዌይኮምብ ጋር ለሚያደርጉት የኤፍኤ ዋንጫ አራተኛ ዙር ጨዋታ ወደለንደን ከመመለሳቸው በፊት ሳምንቱን በባርሴሎና ልምምድ እየሰሩ የሚቆዩ ይሆናል።

Advertisements
%d bloggers like this: