Advertisements
ትኩስ ዜናዎች

አስደናቂና ውብ : አዲሱ የራሂም ስተርሊንግ የ 3.1 ሚሊዮን ፓውንድ ቅንጡ መኖሪያ  

በሚኪያስ በ. ወርዶፋ | ረቡዕ ጥር 17, 2009
​የእንግሊዙ ተነባቢ ጋዜጣ ዘ ሰን እንዳስነበበው ራሂም ስተርሊንግ ከቀናት በፊት በ 3.1 ሚሊዮን ፓውንድ ወደገዛው ቅንጡና ውድ ቤት በቅርቡ የወለደውን ወንድ ልጅና ባለቤቱን ይዞ ተዘዋውሯል።

ስተርሊንግ ይህንን በጣም ብዙ ረብጣ ፓውንዶች የወጣበትን የቼሻየርን መኖሪያ ቤት የገዛው እሱና ሞዴሏ ባለቤቱ ፓይጂ ሚሊያን ቲያጎ የተሰኘውን አዲሱን ወንድ ልጃቸውን ከመውለዳቸው አንድ ሳምንት በፊት ነው።

ከሰሞኑ ወንድ ልጅ ያገኙት ስተርሊንግና ሞዴሏ ባለቤቱ

የማንችስተር ሲቲው ኮከብ ያለፋትን ስድስት ወራት ያህል ለእሱና ቤተሰቡ ተስማሚ የሆነ ቤት ፍለጋ ከኳተነ በኃላ ከከተማ ወጣ ያለውን ይሄን ሁለት ሄክታር ስፋት ያለው ቤት መርጧል።

ከሲቲ የልምምድ ሜዳ የአንድ ሰአት ጉዞ ርቀት ላይ የሚገኘው አዲሱ ቤት የራሱ የዱር እንስሳ መጠጫ ኩሬና ሳር መጋጫ ሜዳ ሲኖረው ዙሪያውም በእርሻ መሬትም የተከበበ ነው።

የራሱ የዱር እንስሳት ውሀ መጠጫና ሳር መጋጫ ያለው የተንጣለለው የስተርሊንግ ግቢ

ይህ ፀጥታ የሰፈነበት መኖሪያ ስተርሊንግ በ 2015 ከሊቨርፑል ወደ ሲቲ በ 49 ሚሊዮን ፓውንድ ባመራበት ወቅት ከተከራየውና ሲኖርበት ከቆየው ቤት በቅርብ ርቀት ላይ ይገኛል።

ከቅንጡው ቤት ክፍሎች አንዱ

አዲሱ ቅንጡ መኖሪያ ቤት አምስት መኝታ ቤቶች ሲኖሩት ተጨማሪ የእንግዳ ማረፊያ በቤቱ ከሚገኙ ሶስት ጋራዦች አናት በላይ ባማረ ሁኔታ ተገንብቶለታል።

ቤቱ ይሄንን የመሰሉ አምስት ሰፋፊና ቅንጡ መኝታ ቤቶችን በውስጡ አካቶ የያዘ ነው።

እንግሊዛዊው አጥቂ ከዚህ ቀደም ከነበረው ግንኙነት ሜሎዲ ሮዝ የተሰኘች የአራት አመት ሴት ልጅ እንዳለው የሚታወቅ ሲሆን በበርክዴል የነበረውን ቤት ለመሸጥ ቢቸገርም ይሄንን ሁለተኛው የሆነ ቤት ከመግዛት አልተቆጠበም።

አራት መኝታ ክፍሎች ያሉት የስተርሊንግ የቀድሞ ቤት ከ 18 ወራት በፊት በ 1.8 ሚሊዮን ፓውንድ ዋጋ ለገበያ የቀረበ ቢሆንም ገዢ በመጥፋቱ የተሰላቸው ስተርሊንግ የመሸጥ ውሳኔውን ሰርዟል።

 

Advertisements
About ሚኪያስ በቀለ (391 Articles)
ይህን ዘገባ ያቀረብኩላችሁ የኢትዮአዲስ ስፓርት ኤዲተርና ፀሀፊ እኔ ሚኪያስ በቀለ ነኝ።
%d bloggers like this: