By Eyob Dadi | ሃሙስ ጥር 17፣ 2009 ዓም


ማውሮ ዛራቴ ከጣሊያኑ ፊዮረንቲና ወደ እንግሊዝ ፕሪምየር ሊጉ ዋትፎርድ ተዛውሯል።

የ29 አመቱ ተጨዋች በፕሪምየርሊጉ በዌስትሀም፣ በበርሚንግሀም እና በኪው ፒ አር መጫወት የቻለ ሲሆን ወደ ጣሊያን በማቅናት በፍዮረንቲና ቆይታ ካደረገ በኋላ ለዋትፎርድ ሁለት አመት ተኩል ለመቆየት ፊርማውን አኑሯል ።

ዛራቴ በፊዮረንቲና የቀይ ካርድ ቅጣት ስላለበት ቅጣቱን እስኪጨርስ ድረስ በዋትፎርድ መሰለፍ እንደማይችል ታውቋል።

በቅርቡ በውሰት ክሌቨርሌን ከኤቨርተን ያስፈረመው ዋትፎትድ 14ኛ ደረጃ ላይ የተቀመጠ ሲሆን ከወራጅ ቀጠናው በ8 ነጥብ ብቻ ርቆ ይገኛል።

አርጀንቲናዊው ዛራቴ በዋትፎርድ 20 ቁጥር ማሊያ እንደሚለብስም ታውቋል።

Advertisements