Advertisements
ትኩስ ዜናዎች

አጫጭር ወሬዎች : የቅዳሜ አመሻሽ የአውሮፓ ጋዜጦች የዝውውርና ሌሎች አዝናኝና አጓጊ ወሬዎች  

በሚኪያስ በ. ወርዶፋ | ቅዳሜ ጥር 20, 2009

​ዋይኒ ሩኒ ከቻይና ክለቦች በቀረበለት ከፍተኛ የክፍያ መጠን ምክንያት ዩናይትድን ለመልቀቅ ተዘጋጅቷል። አንዳንድ የቻይና ክለቦች እስከ 1 ሚሊዮን ፓውንድ ሳምንታዊ ደሞዝ ድረስ ለ 31 አመቱ እንግሊዛዊ ለመክፈል ፈልገዋል። (ዘ ሰን)

ዋትፎርድ ለ 27 አመቱ የቡድኑ አጥቂ ኦዲዮን ኢግሀሎ ከቻይናው ክለብ ሻንጋይ ሺንዋ የቀረበውን የ 27 ሚሊዮን ፓውንድ የዝውውር ጥያቄ ለመቀበል እያጤነ ነው። (ዴይሊ ሚረር)

ማርሴይ የ 29 አመቱን ዲሜትሪ ፓዬትን የማስፈረም ድርድሩ ለመሳካት ገና ብዙ ይቀረዋል። መዶሻዎቹ ለተጫዋቹ ቢያንስ 30 ሚሊየን ፓውንድ ማግኘት ሲፈልጉ ማርሴይ ግን ከ 25 ሚሊዮን ፓውንድ በላይ እንደማያቀርብ ገልጿል። (ስካይ ስፓርት)

ነገር ግን ማርሴዮች የመጨረሻ ባሉትና የተሻሻለ አራተኛ ጥያቄያቸው 27.2 ሚሊዮን ፓውንድ ለክለቡና ለፓዬት ተጨማሪ 3 ሚሊዮን ፓውንድ አቅርበዋል። የመዶሻዎቹ አለቃ ስላቪያን ቢሊችም ክለባቸው ጥያቄውን እንዲቀበል እያግባቡ ይገኛል። (ታይምስ)

የሊቨርፑሉ ጨዋታ አቀጣጣይ ፊሊፕ ኩቲንሆ ወደ ቻይናና ስፔን መዘዋወር እንደማይፈልግና በቀዮቹ ቤት ቆይቶ የክለቡን የቀድሞ ዝነኛ ተጫዋቾች ታሪክ መድገም እንደሚፈልግ ገለፀ። (ዴይሊ ሜይል)

ቼልሲዎች የሴልቲኩን በረኛ ክሬግ ጎርደንን የማስፈረም ሀሳባቸው ካልተሳካ እንደ አማራጭ እንዲሆናቸው የፒኤስጂውን የ 30 አመት ግብ ጠባቂ ሳልቫቶሬ ሲሩጉን በአማራጭነት ይዘዋል። (ዘ ሰን)

የዩናይትዱ የ 35 አመት አጥቂ ዛላታን ኢብራሂሞቪች የቡድን አጋሩን አንቶኒ ማርሻልን ባሳለፍነው ወር ቀርቦ እንዳነጋገረውና የአሰልጣኙን ምክር እንዲሰማ እንደነገረው ተገለፀ። (ዴይሊ ቴሌግራፍ)

የቼልሲው ተከላካይ ብራንስላቭ ኢቫኖቪች ከሩሲያው ክለብ ዜኒት የዝውውር ጥያቄ ከቀረበለት በኃላ የክለቡ አሰልጣኝ ኮንቴ የተጫዋቹን በክለቡ መቆየት እርግጠኛ አይደሉም። (ኢቭኒንግ ስታንዳርድ)

ሁል ከኒስ፣ ቦርዶክስና ፊዮረንቲና ጋር የሴንት ፒተርስበርጉ የ 28 አመት አማካኝ ማውሪሲዮን ለማስፈረም እየተቀናቀኑ ነው። (ታስ)

የዩናይትዱ ኢላማ ፓውሎ ዲይባላ ከክለቡ ጁቬንቱስ ጋር አዲስ የኮንትራት ማራዘሚያ ሊያደርግ ተቃርቧል። (ካልቺዮ መርካቶ)

የቀድሞው የዩናይትድና ዌስትሀም አማካኝ ራቬል ሞሪሰን ከቻምፒዮንሺፑ ክለብ ኪውፒአር ጋር ልምምድ እየሰራ ይገኛል። (ማንችስተር ኢቭኒንግ ኒውስ)

የቼልሲው የቀድሞ አማካኝ ፍራንክ ላምፓርድ ከአንዳንድ የእንግሊዝ ክለቦች ጥያቄ እንደቀረበለትና ነገር ግን ላለመውረድ በሚጫወቱ ቡድኖች መጫወት ባለመፈለጉ ጥያቄውን ውድቅ ማድረጉን ተናገረ። (ዴይሊ ሜይል)

ቼልሲ የስዋንሲውን አጥቂ ፈርናንዶ ሎረንቴን የማስፈረም ፍላጎት የለውም። (ጉሊም ባላጉ)

የቶትነሀሙ አለቃ ፓቸቲኖ በዚህ የጥር የዝውውር መስኮት 1 በመቶ ብቻ የዝውውር እንቅስቃሴ እንደሚኖራቸው ተናገሩ። (ቶክ ስፓርት)

በመጨረሻም …

የዩናይትዱ አማካኝ ፓል ፓግባ የማይረባ የፀጉር አቆራረጡን ትቶ በእግር ኳስ ላይ እንዲያተኩር የቀድሞው የዩናይትድ ወጣት ቡድን አሰልጣኙ ዋረን ጆይስ ተናገሩ። (ሜትሮ)

Advertisements
About ሚኪያስ በቀለ (266 Articles)
ይህን ዘገባ ያቀረብኩላችሁ የኢትዮአዲስ ስፓርት ኤዲተርና ፀሀፊ እኔ ሚኪያስ በቀለ ነኝ።
%d bloggers like this: