Advertisements
ትኩስ ዜናዎች

ኢብራሂሞቪች አዲስ የፕሪሚየር ሊግ ክብረወሰን ጨበጠ

​እሁድ ጥር 28፣ 2009 ዓ.ም


የቀያይ ሰይጣኖቹ አጥቂ ዝላታን ኢብራሂሞቪች የሆዜ ሞሪንሆው ቡድን ሌስተርን 3ለ0 በሆነ ውጤት በረታበት ጨዋታ ላይ ባስቆጠረው ግብ በእንግሊዝ ፕሪሚየር ሊግ በአንድ የውድድር ዘመን 15 ግቦችን ያስቀጠረ የመጀመሪያው በዕድሜ አንጋፋ ተጫዋች መሆን ችሏል።

የቀድሞው የስዊዲን ብሄራዊ ቡድን ተጫዋች ከፈረንሳዩ ክለብ ፒኤስጂ ማንችስተር ዩናይትድን የተቀላቀለው ባለፈው ክረምት የዝውውር ወቅት የነበረ ሲሆን፣ ኦልትራፎርድ ከደረሰበት ጊዜ አንስቶም በ24 ጨዋታዎች 15 ግቦችን ከመረብ ላይ በማሳረፍ በፍጥነት ልዩነቱን ማሳየት ችሏል። 

ኢብራሂሞቪች እሁድ ምሽት ዩናይትድ ከሌስተር ጋር ባደረገው ጨዋታ ሁለተኛውን ግብ በማስቆጠር በ35 ዓመት ከ125 ቀናት ዕድሜው 15ኛ ግቡን ማስመዝገብም ችሏል።

የቀድሞው የባርሴሎና ተጫዋች በዚህ የውድድር ዘመን መጀመሪያ በስዋንሲ ላይ ባስቆጠረው ግብ የፕሪሚየር ሊጉን 25,000ኛ ግብ ከመረብ ላይ በማሳረፍ ታሪክ መስራትም ችሏል።

ኢብራሂሞቪች ላለፉት ስድስት የውድድር ዘመኖች ያለማቋረጥ ቢያንስ 15 የሊግ ግቦችን በአንድ የውድድር ዘመን ሲያስቆጥር ቆይቷል።

ከዚህም በተጨማሪ ኢብራሂሞቪች ባደረጋቸው ጨዋታዎች በቶሎ ብዙ ግቦችን (23) በማስቆጠር ከሩድ ቫን ኒስትልሩይ (19)፣ ድዋይት ዮርክ (20) እና ሮበን ቫንፐርሲ (20) ቀጥሎ አራተኛው የዩናይትድ ተጫዋች ሆኗል። 

Advertisements
About ወንድወሰን ጥበቡ (201 Articles)
የኢትዮአዲስ ስፖርት ድረገፅ የስፖርት ፀኃፊ
%d bloggers like this: