በ ወንድወሰን ጥበቡ | እሁድ ጥር 28፣ 2009 ዓ.ም

የዋናው ቡድን ረዳት አሰልጣኙ አንጄሎ አሌሲዮ – የቀድሞው የአንቶኒዮ ኮንቴ የቡድን አጋር አማካኙ አሌሲዮ ከኮንቴ ጋር በመሆን የጁቬንቱስ የአማካኝ ስፍራ በመምራት የአውሮፓ እግርኳስ ማህበር ዋንጫንና የጣሊያን ዋንጫን ማሸነፍ ችለዋል። አሌሲዮ የጣሊያን ክለብ የሆኑትን ኢሞሌሴ፣ ማሴሴ እና ስፓልን ያሰለጠኑ ሲሆን በናፓሊ ደግሞ ረዳት አሰልጣኝ ሆነው ሰርተዋል። አሰልጣኙ ከኮንቴ ጋር በአባልነት መስራት የጀመሩት ወደሊጉ እንዲገባ ማድረግ በቻሉት ሲየና ክለብ ሲሆን ከዚያ በኋላም በጁቬንቱስና በጣሊያን ብሄራዊ ቡድን ውስጥ አብረው ሰርተዋል። 

አሌሲዮ ከኮንቴ ጋር በአራት ቡድኖች ውስጥ አብተው መስራት ችለዋል

የዋናው ቡድን ረዳት አሰልጣኙ ስቲቭ ሆላንድ – ስቲቭ ሆላንድ በ2011 የተቀያሪ ቡድኑ ዋና አሰልጣኝነት ስራቸውን ከለቀቁበት ጊዜ አንስቶ የዋናው ቡድን ረዳት አሰልጣኝ በመሆን ከቪላስ-ቦኣስ፣ ሮቤርቶ ዲማቲዮ፣ ራፋኤል ቤኒቴዝ፣ ሄዜ ሞሪንሆ እና ጉስ ሂድኒክ ጋር አብረው የሰሩ ሲሆን አሁን ደግሞ ከኮንቴ ጋር በመስራት ላይ ይገኛሉ። ሆላንድ ከዚህ የውድድር ዘመን መጠናቀቂያ ጊዜ አንስቶ የእንግሊዝ ብሄራዊ ቡድን አሰልጣኝነን በሙሉ ጊዜ ስራ የሚረከቡም ይሆናል።

የ46 ዓመቱ እንግሊዛዊው አሰልጣኝ ከዚህ የውድድር ዘመን መጠናቀቂያ ጊዜ አንስቶ የጋርዝ ሳውዝጌት ምክትል አሰልጣኝ ሆነው በእንግሊዝ ብሄራዊ ቡድን ውስጥ የሚሰሩ ይሆናል

ዋና አሰልጣኙ አንቶኒዮ ኮንቴ – የቀድሞው የአማካኝ ስፍራ ተጫዋች ኮንቴ ከዚህ ቀደም አሬዞ፣ ባሪ፣ አታላንታ፣ ሲየና፣ ጁቬንቱስ ክለቦችንና እና የጣሊያን ብሄራዊ ቡድንን በመያዝ 11 የአሰልጣኝነት አመታትን አሳልፈዋል። የ47 ዓመቱ ጣሊያናዊ በሜዳው ዳር ላይ ሆነው በሚያሳዩት የተለያዩ እንቅስቃሴዎች የሚታወቁ ሲሆን፣ አብዛኛውን የቅዳሜ ጨዋታቸውን በመቀመጫቸው ላይ ተቀምጠው አይታዩም።

ኮንቴ ጁቬንቱስን በአምበልነት በመምራት የሻንምፒዮንስ ሊግ ዋንጫንና 5 የሴሪ ኣ ዋንጫዎችን እንዲያነሳ መርተውታል

የዋናው ቡድን የአካል ብቃት እንቅስቃሴ ባለሙያው ፓውሎ በርተሊ – በርተሊ ከኮንቴ ጋር በጁቬንቱስና በጣሊያን ብሄራዊ ቡድን ውስጥ አብሮ መስራት የቻለ ሌላኛው አሰልጣኝ ነው። በተጨማሪም በርተሊ ከቀድሞው የቼልሲ አሰልጣኝ ክላውዲዮ ራኒየሪ ጋር በፊዮረንቲናና በሮማ ክለቦች ውስጥ አብሮ መስራት የቻለ አሰልጣኝ ነው።

ኃኪሙ ዳቪድ ፖርተን – ፖርተን ቀደም ሲል በቼልሲ ማሰልጠኛ ውስጥ የሰራ የክለቡ ኃኪም ሲሆን አሁን ደግሞ በስታንፎርድ ብሪጁ ዋና ቡድን ውስጥ በህክምና ባለሙያነት እየሰራ የሚገኝ ሲሆን ከጋሪ ካሂል ጋር በደረሰበት ግጭት የራስ ቅል ስብራት የገጠመውን የኸል ሲቲዊን ሪያን ማሰንን የህክምና እገዛ ሊያደርግለት ችሏል።

ወጌሻው ጆን ፈርን – ጆን ፈርን ባለፈው የውድድር ዘመን መጀመሪያ ቼልሲ ከስዋንሲ ጋር 2ለ2 በተለያየበት ጨዋታ ጉዳት የገጠመውን ኤዲን ሃዛርድን ለማከም ከቀድሞዋ የክለቡ ኃኪም ኢቫ ካርኔሮ ጋር ወደሜዳ በመግባቱና ከሆዜ ሞሪንሆ ጋር በተፈጠረው እሰጣ ገባ ጉዳይ ይታወቃል። ፈርን በክለቡ ውስጥ ለሰባት ዓመታም ቆይቷል። 

የዋናው ቡድን ረዳት አሰልጣኝ ጂያንሉካ ኮንቴ – በሳማያዊዎቹ ቤት በአሰልጣኝነት እየሰሩ የሚገኙት የአንቶኒዮ ኮንቴ ታናሽ ወንድም ናቸው። ሁለቱ ወንድማማቾች የትውልድ ከተማቸው በሆነው ሊቼ አብረው ተጫውተዋል፤ በፎጂያ ዩኒቨርስቲም በጋራ ተምረዋል። ጂያንሉካ ከታላቅ ወንድማቸው አንቶኒዮ ጋር በባሪ፣ ጁቬንቱስና በጣሊያን ብሄራዊ ቡድን ውስጥ የሰፖርት ትንታኔ ባለሙያ በመሆን ሰርተዋል።

የቼልሲ እግርኳስ ቡድን የስልጠና አባላት
Advertisements