Advertisements
ትኩስ ዜናዎች

አፍሪካ:-ኦርላንዶ ፓይሬትስ በውጤት እና በደጋፊዎች ባህሪ አሳፋሪ ምሽት አሳልፏል

By Eyob Dadi| የካቲት 5,2009 ዓም

የ1995 የካፍ ቻምፕየንስ ሊጉን ዋንጫ አሸናፊ የነበረው እንዲሁም የደቡብ አፍሪካው ፕሪምየር ሶከር ሊግ 4 ጊዜ አሸናፊው  ኦርላንዶ ፓይሬትስ በቀድሞው ስሙ ላይ ፈጽሞ አይገኝም።

በሊጉ ከመሪዎቹ በርቀት ላይ የተቀመጠ ሲሆን በየጨዋታዎቹ 3 ነጥብ ማግኘት ከብዶታል።

ትናንትናም ከካፍ ቻምፐየንስ ሊጉ አሸናፊ ከሆነው ማሜሎዲ ሰንዳውንስ ጋር በሎፍተስ ቬርስቬልድ ስታድየም ያደረገው ጨዋታ ከባድ ውርደት አጋጥሞታል።

በጨዋታው 6-0 በሆነ ሰፊ ውጤት ተሸንፏል።

የኦርላንዶ ፓይሬትስ ደጋፊዎች 6ኛው ጎል ከተቆጠረባቸው በኋላ ስሜታቸውን ለመቆጣጠር ፈጽሞ አልቻሉም።

ሜዳ ውስጥ በመግባት ከማሜሎዲ ሰንዳውንስ ደጋፊዎች ጋር ግጭት የፈጠሩ ሲሆን ስታድየሙ ውስጥ የነበሩ ቁሳቁሶችን ሰባብረዋል።

8 ደቂቃ ቀርቶት የነበረው ጨዋታ በረብሻው ምክንያት ከአንድ ሰአት በላይ ከተቋረጠ በኋላ በድጋሚ ተጀምሮ ቀሪው 8 ደቂቃ ተጠናቋል።

በረብሻው ቁጥራቸው ያልታወቀ ደጋፊዎች ጉዳት ያጋጠማቸው ሲሆን በአቅራቢያው ወደሚገኝ ስታድየም ወዲያውኑ ለህክምና እንዲሄዱ ተደርገዋል።

ውጤቱ ለኦርላንዶ ፓይሬትስ ባለፈው ህዳር ወር ላይ በሱፐርስፓርት ዩናይትድ 6 -1 ከተሸነፉ በኋላ የተመዘገበ ሌላኛው አስከፊው ውጤት ሲሆን

ለድል አድራጊዎቹ ማሜሎዲ ሰንዳውንሶች ደግሞ በፕሪምየር ሶከር ሊግ በአንድ ጨዋታ ያስመዘገቡት ትልቁ ውጤታቸው ሆኖ ተመዝግቦላቸዋል።

Advertisements
About ዕዮብ ዳዲ (1357 Articles)
ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።
%d bloggers like this: