Skip to content
Advertisements

አፍሪካ:-ቲፒ ማዚምቤ አዲስ አሰልጣኝ መቅጠሩን አሳወቀ

By Eyob Dadi|የካቲት 6,2009 ዓም


የካፍ ቻምፕየንስ ሊግ እና ኮንፌዴሬሽን ዋንጫ በተከታታይ አመት አሸናፊ የሆነው የዲ ኮንጎው ቲፒ ማዚምቤ አዲስ አሰልጣኝ መቅጠሩን አሳውቋል።

ፈረንሳዊው ትየሪ ፍሮገር ሌላኛውን የአገራቸው አሰልጣኝ ሁበርት ቬሉድን ተክተው የሉቡምባሺውን ቡድን ለማሰልጠን ተስማምተዋል።

ኮንትራታቸውም እስከ ታህሳስ 31,2017 የሚቆይ እንደሆነ ነው የታወቀው።

የ 53 አመቱ ፍሮገር በተጨዋች ዘመናቸው በተከላካይ መስመር ላይ የተጫወቱ ሲሆን የፈረንሳዩ ሊል ከተጫወቱበት ክለቦች ውስጥ ይጠቀሳል።

በስልጠና ህይወታቸው በተለያዩ የፈረንሳይ ክለቦች ማሰልጠን የቻሉት ፍሮገር በ2010/2011 ላይ በቶጎ ከነበራቸው የአጭር ጊዜ ቆይታ ውጭ በአፍሪካ በማሰልጠን ልምድ የላቸውም።

አሰልጣኙ የፊታችን ቅዳሜ በካፍ ቻምፕየንስ ሊጉ አሸናፊ ማሜሎዲ ሰንዳውንስ እና በካፍ ኮንፌዴሬሽኑ አሸናፊው ቲፒ ማዚምቤ መካከል የሚደረገው የሱፐርካፕ ጨዋታ በኋላ ስራቸውን እንደሚጀምሩ ይገመታል።

Advertisements

ዕዮብ ዳዲ View All

ይህን ጽሁፍ ያዘጋጀሁላችሁ የኢትዮአዲስ ስፓርት ድረገጽ አዘጋጅ እና የስፓርት ፀሀፊ ዕዮብ ዳዲ ነኝ።

%d bloggers like this: