Advertisements
ትኩስ ዜናዎች

የሻምፒዮንስ ሊጉ የመጫወቻ ኳስ ይፋ ሆነች

በ ወንድወሰን ጥበቡ | ሰኞ የካቲት 6፣ 2009 ዓ.ም


ነገ (ማክሰኞ) ከሚጀመረው የሻምፒዮንስ ሊጉ የጥሎ ማለፍ ጨዋታ አንስቶ እስከ ውድድር ዘመኑ ማብቂያ የፍፃሜ ጨዋታ ድረስ ጥቅም ላይ የምትውለውና የአዲዳስ ምርት የሆነችው የመጫወቻ ኳስ በዛሬው ዕለት ይፍ ሆናለች።


የሻምፒዮንስ ሊጉን የ16ቱን የዙር ጨዋታ መርሃግብሮች ይህን ፅሁፍ ተጭነው ያገኛሉ


የዚህ የውድድር ዓመት የፍፃሜ ጨዋታ በዌልስ ፕሪንሲፓሊቲ ስታዲየም የሚደረግ እንደመሆኑ አዲሷ ኳስ በዌልስ ብሄራዊ ባንዲራ ላይ ያለው ዓይነት የደራጎን ምስል ሰፍሮባታል።

የአዲዳስ የምርት ባለሙያዎች ቡድን የኳሷን ዲዛይን ለመስራት ሲል ወደካርዲፍ በመጓዝ በሴልቲክ አፈታሪክ እንሠትልቅ ኃይል እና ጥንካሬ የሚወሰደውን የድራገንን ምስል ለመጫወቿ ኳስ ዲዛይን እንደመነሻ ኃሳብ ወስዷል።

ኳሷ ተሰርታ ለውድድሩ ስትቀርብ እንደሊዮኔል መሲ፣ ልዊስ ስዋሬዝ፣ ክርስቲያኖ ሬናልዶ እና ቶማስ ሙለር ያሉ የአውሮፓ ከዋክብትን ብቃት የምታሟላ ሆና እንደተዘጋጀች አዲዳስ ኩባንያ ኳሷን ይፋ ባደረገበት ጊዜ ገልፅዋል።

በዌልስ አፈታሪክ ላይ ተመስርታ የተሰራችው ኳስ ለመጀመሪያ ጊዜ ነገ (ማክሰኞ) በሚደረገው የሻምፒዮንስ ሊጉ የጥሎ ማለፍ ጨዋታ ላይ በጥቅም ላይ ትውልና ቅዳሜ ግንቦት 28፣ 2009 ዓ.ም በካርዲፍ ከተማ እስከሚደረገው የፍፃሜ ጨዋታ ድረስ በእያንዳንዱ ጨዋታዎች ላይ በመጫወቻነት የምታገለግል ይሆናል።

Advertisements
About ወንድወሰን ጥበቡ (223 Articles)
የኢትዮአዲስ ስፖርት ድረገፅ የስፖርት ፀኃፊ
%d bloggers like this: