የሀገር ውስጥ እና የውጭ ዜና

ፍራንክ ሪቤሪ እና ዠርሚ ቦአቴንግ ባየር ሙኒክ በአልያንዝ አሬና አርሰናልን ከሚያስተናግድበት ጨዋታ ውጭ ሆኑ።

Afbeeldingsresultaat voor FRANCK RIBERY AND BOATENG

ሰላም ጎሳዬ  | ረቡዕ የካቲት 8, 2009

ባየር ሙኒክ በያዝነው ሳምንት ተደጋጋሚ ጉዳቶችን አስተናግዷል፤ፍራንክ ሪቤሪ እና ዠርሚ ቦአቴንግ ዕረቡ ምሽት ከአርሰናል ጋር ከሚደረገው ጨዋታ ውጭ ሆነዋል። ባየር ሙኒክ የሁለትዮሹ ጥምረት በአልያንዝ አሬና በሚደረገው የመጀመሪያ ዙር ጨዋታ ብቁ ይሆናሉ የሚል ተስፋን ይዞ የነበረ ቢሆንም ሪቤሪ በታፋ(ጭን) ጉዳት እና ቦአቴንግ ባጋጠመው የትከሻ ጉዳት አንቼሎቲ ያለእነዚህ ሁለት ወሳኝ ተጫዋቾች አርሰናልን ለመግጠም ይገደዳሉ።

ነገር ግን የሁለትዮሽ ጥምረቱ በቀጣዩ ወር በሚደረገው የኤምሬትስ ሁለተኛ ዙር ጨዋታ እንዲጠበቅ ሆኗል፤ምክንያቱ ደግሞ በዚህ የውድድር ወቅት ጨዋታዎች የተሻለው ባየርን ሙኒክ በመታየቱ። በወርሃ ሕዳር ቦአቴን ባልነበረበት ወቅት ሪበሪ ለቡድኑ ያበረከተው አስተዋፅኦ በዋጋ የማይተመን ነው፤ቢሆንም ካርሎ አንቼሎቲን የሚያሳምን አልነበረም። ባሳለፍነው ወር የ 33 ዓመቱ ረቤሪ በጥሩ አቇም ላይ መገኘቱን ያንፀባረቀ እንቅስቃሴ አድርጎ ክለቡ ባየርሙኒክ ከፍራይቡርግና ዌርደር ብሬመን ጋር ያደረገውን ጨዋታ በድል እነዲወጣ አስችሏል፤ ሚናውም ከፍ ያለ ነበር።

Afbeeldingsresultaat voor FRANCK RIBERY AND BOATENG

አሁን ላይ ግን ባጋጠመው ጉዳት የዛሬውን የቻምፒየንሰ ሊግ ጨዋታ ጨምሮ ቀጣይ ሁለት የቡንደስ ሊጋ ጨዋታዎች ያልፋታል። ባየርን ሙኒክ ባደረጋቸው ሁለት የቡንደስሊጋ የመጨረሻ ጨዋታዎች ማግኘት ከሚገባው ስድስት ነጥቦች ከሻልከ ጋር 1-1 በመለያየት እና ኢንጎልሽታትን በማሸነፍ አራት ነጥቦችን ማግኘቱን ተከትሎ ለቀጣይ ጨዋታዎች ብቁ እንዲሆን በሚል በግል ልምምዶችን እየሰራ ይገኛል። ባየርን ሙኒክ በዚህ የውድድር ወቅት በቡንደስሊጋ 20 ጨዋታዎችን አድርጎ 45 ግቦችን ሲያስቆጥር 12 ደግሞ ተቆጥሮበታል።ሁለተኛ ደረጃ ከሚገኘው ሊፕዚግ በሰባት ነጥቦች ከፍ ብሎ በ 49 በመሪነት ተቀምጧል። የዛሬውን የቻምፒየንስ ሊግ ጨዋታ ተከትሎ፤በአልያንዝ አሬና ሀምቡርግን ከማስተናገዳቸው በፊት በሳምንቱ መጨረሻ ኼርታበርሊንን ይገጥማሉ።

Advertisements