Advertisements
ትኩስ ዜናዎች

የጀርባ ገፅ / የዕለቱ አጫጭር የዝውውር ወሬዎች እና ሌሎች ስፖርታዊ መረጃዎች

በየቀኑ የእግር ኳስን ተፈጥሯዊ ኡደት በሚያፋልስ መልኩ ጉድ እያሰማን የቀጠለው ግሽበታሙ የዘንድሮው የክረምት የዝውውር መስኮት በሚቀጥሉት ሰአታት ደግሞ ለአንድ ተጫዋች 200 ሚሊዮን ፓውንድ የሚጠጋ ገንዘብ ሲፈስ ሊያሳየን ተቃርቧል። ይህ በእንዲህ እንዳለ ግን የዕለቱ የመላው አለም የዝውውርና ሌሎች ተያያዥ ጉዳዮች የተመረጡ ዘገባዎች ጥንቅር ከሀገራችን ተነስቶ እስከ አውሮፓ ሊያስጉዘን እንደሚከተለው ተዘጋጅቷል።


የቅዱስ ጊዮርጊሱ ናትናኤል ዘለቀ ከፈረሰኞቹ ጋር እስከ 2011 የሚያቆየውን የውል ማራዘሚያ ፊርማ ለኢትዮጵያ ፕሪምየር ሊግ አሸናፊዎቹ አኖረ። (ሀትሪክ)

የፕሪምየር ሊጉ ሻምፒዮን ቅዱስ ጊዮርጊስ ደደቢትን ለመቀላቀል ተስማምቶ የነበረው ታደለ መንገሻን ባልተጠበቀ ሁኔታ ሲያስፈርም በጅማ አባ ቡና ውሉን ያፈረሰውን አሜ መሐመድን ለማስፈረም ተስማማ፡፡ (ሶከር ኢትዮጵያ)

የኢትዮጵያ አትሌቲክስ ፌደሬሽን ፕሬዝዳንት ሀይሌ ገብረስላሴ በፕሬዝዳንትነት የተቀመጠበት ወንበር ከምቾት ይልቅ እንደሚፋጅ ገለፀ። (ሀትሪክ)

ሊዮኔል ሜሲ ወደ ፓሪሱ ክለብ ለማምራት የተቃረበውን ኔይማርን በማስመልከት በማህበራዊ ሚዲያ ገፁ ልብ የሚነካ የስንብት መግለጫ ለቀቀ። (ዘ ሰን)

ከስፔን እንደተገኙ መረጃዎች ከሆነ ሰርጂ ሮቤርቶ ወደ ዩናይትድ ለመዘዋወር እራሱን ክፍት እንዳደረገና በዝውውሩ ዙሪያ ከጆሴ ሞውሪንሆ ጋር መነጋገሩ ታውቋል። (ዴይሊ ስታር)

ማውሪሲዮ ፖቸቲኖ በዚህ የዝውውር መስኮት ተጫዋቾችን ማስፈረም ካልቻሉ በመጪው አመት ቡድናቸው ለፕሪምየር ሊጉ ዋንጫ መፎካከር እንደማይችል ገለፁ። (ጋርዲያን)

ቼልሲ ለድሪንክ ወተር ዝውውር ከ 30 ሚሊዮን ፓውንድ በላይ እንደማይከፍል ለቀበሮዎቹ ሌስተሮች ነግሯቸዋል። (ዘ ሰን)

ባርሴሎና ክለቡን ለሚለቀው ኔይማር ምትክ እንዲሆነው የዶርትሙንዱን ኦስማን ዴምቤሌና የጁቬንቱሱን አጥቂ ፓውሎ ዳይባላን ፈልጓል። (ኢንዲፔንደንት)

ቼልሲ በግሉ በብራዚል ልምምድ እየሰራ ለሚገኘው ዲያጎ ኮስታ የግል የአካል ብቃት ልምምድ አጋዥ ሊቀጥርለት ተዘጋጅቷል። (ቴሌግራፍ)

ኔይማር የካታላኑን ክለብ መልቀቅ እንደሚፈልግ ለባርሴሎና ማሳወቁን ተከትሎ የብራዚላዊው ኮከብ ዝውውር ሊጠናቀቅ ተቃርቧል። (ጋርዲያን)

በመጨረሻም …

የኔይማር አባት በአለም እግር ኳስ ታሪክ ትልቅ የሆነውን የልጃቸውን የዝውውር ስምምነት ለማሳካት ከጀርባ ሆነው ወሳኝ ሚና እየተወጡ ሲሆን ከሰሞኑ ያገኙትን 26 ሚሊዮን ዩሮ ጨምሮ ሊዮኔል መሲ ካገኘው በላይ ከባርሴሎና እጅ ብዙ ገንዘብ ተቀብለዋል። (ዘ ሰን)

Advertisements
About ሚኪያስ በቀለ (441 Articles)
ይህን ዘገባ ያቀረብኩላችሁ የኢትዮአዲስ ስፓርት ኤዲተርና ፀሀፊ እኔ ሚኪያስ በቀለ ነኝ።

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: