Skip to content
Advertisements

ቬንገር ዥሩን በጥር ወር የመሸጥ ፍላጎት የላቸውም

ኦሊቪየ ዥሩ በእሁድ ዕለቱ የፕሪሚየር ሊግ በጨዋታው በመጨረሻ ሰዓት አርሰናልን አቻ ያደረገች ግብ በሳውዛምፕተን ላይ ማስቆጠሩን ተከትሎ አርሰን ቬንገር አጥቂው በጥር ወር እንደማይሸጥ እና በፕሪሚከር ሊጉ የተጨማሪ የመጫወት ዕድል እንደሚሰጠው ገልፅዋል።

ፈረንሳያዊው ተጫዋች በዚህ የውድድር ዘመን በሊጉ እስካሁን የመጀመሪያ ተሰላፊ ሆኖ ወደሜዳ ባይገባም እሁድ ዕለት አርሰናል በሴንት ሜሪ ስታዲየም በጨዋታ መጠናቀቂያ ሰዓት አቻ እንዲሆን ያስቻለችውን ግብ በ88ኛው ደቂቃ ላይ ከመረብ ማሳረፍ ችሏል። 

የ31 ዓመቱ ዥሩ ባለፈው ክረምት ወደኤቨርተን ለማምራት ከጫፍ ደርሶ የነበረ ቢሆንም የኋለ ኋላ ግን የክለቡ የዝውውር ክብረወሰን በሆነ ዋጋ መድፈኞቹን በተቀላቀለው አሌክሳንደር ላካዜቲ የፕሪሚየር ሊግ ቦታውን በመነጠቁ በአብዛኛውን የዩሮፓ ሊግ ጨዋታዎች ላይ ተሰልፎ በተጫወተበት ኤመራትስ ለመቆየት ወስኗል።

ዥረ በቅርቡ በፕሪሚየር ሊጉ ላይ በሚገባ ባለመሰለፉ ሃሳብ እንደገባው አምኖ ነገር ግን ቬንገር በተጣበቡት የበዓል ወቅት ጨዋታዎች ላይ እንደሚያስለፉት የነገሩት መሆኑን ገልፅዋል።

“የበለጡ ጨዋታዎች ላይ የመጀመሪያ ተሰላፊ ይሆናል።” ሲሉም ቬንገር ከአርሰናል የዩሮፓ ሊግ ድልድል ይፋ መሆን በኋላ ተናግረዋል።

“በርካታ ተጫዋቾች ሲኖሩህ እንደዚህ እንደሚሆን አምናለሁ። አንዳንዶቹ ሊጫወቱ አይችሉም። ሁልጊዜም ልታነሳው የሚገባ ጥያቄ መሆን ያለበት እነሱ ለመጫወት ለምን ጥሩ አይሆኑም? ነው።

“ምክኒያቱም አንደኛውን ስትመርጥ ሌላ ጥሩ የሆነ ነገር ግን የማይጫወት ተጫዋች ይኖርሃል። ይህን ያህል ቀላል ነገር ነው።” ሲሉም አክለው ተናግረዋል።

በመጪው የዝውውር ወቅት እንደዥሩ ያሉ ተጫዋቾችን ይሸጡ እንደሆን ጥያቄ የቀረበላቸው ቬንገር “በጥያቄያችሁ ውስጥ መልስ አለ። ምክኒያቱም እሱ ጠቃሚ እንደሆነ እየተናገራችሁ ነው። ታዲያ እኛ ለምን ብለን ጠቃሚ የሆነ ተጫዋች እንሸጣለን?” ሲሉ መልስ ሰጥተዋል።።

Advertisements

ወንድወሰን ጥበቡ View All

የኢትዮአዲስ ስፖርት አዘጋጅና ፀኃፊ

%d bloggers like this: