Skip to content
Advertisements

ሪያን ጊግስ የዌልስ ብሔራዊ ቡድን አሰልጣኝ ሊሆን ነው

የቀድሞው የማንችስተር ዩናይትድ የክንፍ ተጫዋች፣ ሪያን ጊግስ የዌልስ ብሔራዊ ቡድን አሰልጣኝ ለመሆን መዘጋጀቱን ቢቢሲ ዘገቧል።

የዌልስ እግርኳስ ማህበር ዛሬ (ሰኞ) ጋዜጣዊ መግለጫ ለመሰጠት ያቀደ ሲሆን፣ ማህበሩ በመግለጫውም የ43 ዓመቱ ጊግስ ሰንደርላንድን ለመቀላቀል ሲሉ በህዳር ወር ብሄራዊ ቡድኑን የለቀቁትን ክሪስ ኮልማንን ተክቶ በአሰልጣኝነት መሾሙን ይፋ እንደሚያደረግ ይጠበቃል።

ጊግስ እ.ኤ.አ. በ1991 እና 2007 መካከል ባሉት ጊዜያት 64 ጨዋታዎችን ማሸነፍ የቻለ ቢሆንም በተለይም የወዳጅናት ጨዋታዎችን ጨምሮ በርካታ የብሄራዊ ቡድን ጨዋታዎች ላይ ባለመሰለፉ በአንዳንድ የዌልስ ደጋፊዎች ይናቀፋል።

የቀድሞው ተጫዋች የ23 ዓመታት ወርቃማ የእግርኳስ ህይወቱን በ2014 ቋጭቶ፣ በ2013-14 በተሰናባቹ ዴቪድ ሞየስ ምትክ እስከውድድር ዘመኑ መጨረሻ ድረስ ማንችስተር ዩናይትድን በአራት ጨዋታዎች ላይ በጊዜያዉ አሰልጣኝነት መምራት ችሏል።

ጊግስ፣ ሞሪንሆ በ2016 ክለቡን በአሰልጣኝነት ከመረከባቸው በፊት ባሉት ሁለት የውድድር ዘመናት በኦልድ ትራፎርድ የልዊ ቫን ኻል ምክትል አሰልጣኝ ሆኖ ሰርቷል።

ኮል ማን ዌልስን በ2016 የአውሮፓ ዋንጫ እስከግማሽ ፍፃሜ ድረስ በአሰልጣኝነት መምራት ችለው የነበረ ቢሆንም በዚህ ዓመት ለሚደረገው የሩሲያው ዓለም ዋንጫ ግን ብሄራዊ ቡድኑ ማሳለፍ ሳይቻላቸው ቀርተዋል።

Advertisements

ወንድወሰን ጥበቡ View All

የኢትዮአዲስ ስፖርት አዘጋጅና ፀኃፊ

%d bloggers like this: