Skip to content
Advertisements

̋ስለ እኔ እና ፖግባ የሚወራው በሙሉ ሀሰት ነው ˝ -ጆዜ ሞሪንሆ

Mourinho dropped Pogba for the win over Huddersfield, but insists reports his relationship with the Frenchman has broken down are 'lies'

የማንችስተር ዩናይትዱ አሰልጣኝ ጆዜ ሞሪንሆ በእርሳቸው እና በፖል ፖግባ መካከል ጸብ ስለ መኖሩ እና ጸባቸውም እስከ አለመነጋገር እንዳደረሳቸው  በጋዜጦች እና በተለያዪ ሚዲያዎች የሚወራው ወሬ ፍጹም ከእውነት የራቀ ውሸት ነው ሲሉ ገልፀውታል፡፡

ከቅርብ ጊዜ ወዲህ የተለያዩ ሪፖርቶች እንደሚያመለክቱት ፈረንሳዊው ኮከብ በቲያትር ኦፍ ድሪምስ ቆይታው ደስተኛ እንዳልሆነ እና በተለየም ከቅርብ ጊዜ አሰልጣኝ ጆዜ ሞሪንሆ በሰጡት የጨዋታ ሚና እንደተከፋ ይገልጻሉ፡፡ ይህንን ተከትሎም በክረምቱ የዝውውር መስኮት ሪያል ማድሪድን ለመቀላቀል መሰናዱትንም እየወጡ ያሉ ሪፖርቶች እየጠቀሙ ይገኛሉ፡፡

˝ከፖል ጋር እየተነጋገርን ነው በእኔ እና እርሱ መሀል ምንም ችግር የለም ፡፡ እሱ ባለፉት ጥቂት ጨዋታዎች ላይ ጥሩ አለመጫወቱን አምኖ ተቀብሏል፡፡ ያለው እውነታ ይህ ነው፡፡ ከፖግባ ጋር ያለኝ ወዳጅነት መበላሸቱ የሚወራው ወሬ ፍጹም ትልቅ ሀሰት ነው፡፡ ˝ ሲሉ ፖርቱጋላዊው የቀያይ ሰይጣኖቹ አለቃ ሰሞንኛ ወሬዎችን አጣጥለዋል፡፡

˝ ቡድኑ ፖግባ ሁሌም በጥሩ ብቃት እና ደረጃ እንዲጫወት ይፈልጋል ፡፡ እናም ችግሮች በሚፈጠሩ ሰዓት አቋሙ በሚወርድ ጊዜ ተነሳሽነቱ እንዲጨምር ከአሰልጣኙ ጋር መነጋገሩ አይቀርም፡፡ ብዙሀኑ የሰማውን እና ያነበበውን ብቻ ማመን የለበትም ይህ ጥሩ ነገር አይደለም፡፡ ˝ በማለት በሀሰተኛ ወሬዎቹ መማረራቸውን ገልጽዋል፡፡

ጆዜ ሞሪንሆ ይህንን ይበሉ እንጂ ከጥር መጨረሻ አንስቶ ፈረንሳዊው የመሀል ሜዳ አማካይ ፖል ፖግባ ዩናይትድ እየተከተለው ባለው 4-3-3 አሰላለፍ በተሰጠው በግራ መስመር የአማካይ ሚና ደስተኛ እንዳልሆነ እና ከዚህ ቀደም ክለቡ ይጫወት በነበረው 4-2-3-1 የጥልቅ አማካይ ስፍራ ላይ መጫወት እንደሚፈልግ ለአሰልጣኙ መንገሩም ተሰምቷል፡፡፡

Advertisements

መንሀጁል ሀያቲ View All

የኢትዮአዲስ ስፖርት የስፖርት ዜናዎች ፀሀፊ

%d bloggers like this: