Skip to content
Advertisements

ጉዳት ላይ የሚገኘው ሮበን ከሪያል ማድሪድ ጋር ከሚደረገው ጨዋታ ውጪ ሆነ

ሆላንዳዊው ተጫዋች አሪየን ሮበን ጭኑ ላይ በገጠመው የጡንቻ ጉዳት ምክኒያት በሻምፒዮንስ ሊጉ የግማሽ ፍፃሜ የመልስ ጨዋታ ማክሰኞ ምሽት ወደሪያል ማድሪድ አምርቶ ከሚጫወተው የባየር ሙኒክ ቡድን ስብስብ ውጪ ሆኗል።

ሮበን ባለፈው ሳምንት በተደረገው የግማሽ ፍፃሜ ጨዋታ ገና በስምንተኛው ደቂቃ በገጠመው ጉዳት ሜዳ ለቆ ለመውጣት ተገዶ ነበር። በሳምንቱ መጨረሻ ባየር ሙኒክ ኢንትራክት ፍራንክፈርትን 4ለ1 ባሸነፈበት ጨዋታ ላይም መስለፍ አልቻለም።

ሆላንዳዊው ተጫዋች በሳምንቱ መጨረሻ ቀናት ልምምድ መስራት ችሎ የነበረ ቢሆንም፣ ለማክሰኞው ጨዋታ መድረስ ግን አለመቻሉ ታውቋል።

ዛሬ (ሰኞ) ስም ዝርዝራቸው ይፋ በሆነው የባየር ሙኒክ የተጫዋቾች ስብስብ ውስጥም የሮበን ስም አልተካተተም።

ይሁን እንጂ ጉዳት የነበረባቸው ኻቪ ማርቲኔዝ እና ዴቪድ አላባ ከቡድኑ ጋር አበረው የሚጓዙ ተጫዋቾች ሆነዋል።

ባየር ባለፈው ሳምንት በመጀመሪያው ጨዋታ በሜዳው በሪያል ማድሪድ 2ለ1 መሸነፉ ይታወሳል።

Advertisements

ወንድወሰን ጥበቡ View All

የኢትዮአዲስ ስፖርት አዘጋጅና ፀኃፊ

%d bloggers like this: