Skip to content
Advertisements

ይፋዊ – ማንችስተር ዩናይትድ የክረምቱ ሁለተኛ ፈራሚውን አሳወቀ

ማንችስተር ዩናይትድ የብራዚላዊውን ፍሬድ ዝውውር ማጠናቀቁን ባሳወቀ ከ24 ሰአት በኋላ የክረምቱን ሁለተኛ ፈራሚውን አሳውቋል።

የፖርቶው የቀኝ መስመር ተከላካይ የሆነው ዲዮጎ ዳሎት የዩናይትድ ሁለተኛ ፈራሚ መሆኑ ተረጋግጧል።

የ19 አመቱ ወጣቱ ተጫዋች በፖርቶ ባለፈው ጥቅምት ወር ላይ ወደ ዋናው ቡድን ካደገ በኋላ ስምንት ጨዋታዎች ላይ ተሳታፊ ሆኗል።

ተጫዋቹ በሁለቱም መስመሮች መከላከል የሚችል ሲሆን በተለይ የአንቶኒዮ ቫሌንሺያ የወደፊት ተተኪ የመሆን አቅም እንዳለው ተነግሯል።

ዩናይትዶች ለተጫዋቹ 19.3 ሚሊየን ፓውንድ ወጪ በማድረግ ለአምስት አመት አስፈርመውታል።የኮንትራት ውሉም ለስድስ አመት የማራዘም እድልም ሊኖር እንደሚችል ተነግሯል።

ተጫዋቹ ከዝውውሩ በኋላ “ማንችስተር ዩናይትድ መቀላቀል ለኔ የማይታመን አጋጣሚ ነው።ያደኩት በፖርቶ ማሰልጠኛ ውስጥ ነው፣ላደረጉልኝ ነገርም በጣም አመሰግናለው።ነገርግን ወደ ታላቅ ክለብ የመቀላቀል አጋጣሚን መተው አልችልም።” ሲል ተናግሯል።

ሞሪንሆ በበኩላቸው “ዲዮጎ በጣም ችሎታ ያለው በክለቡ በፍጥነት ታላቅ ተጫዋች መሆን የሚችል ወጣት ተከላካይ ነው።

“አንድ የመስመር ተከላካይ ሊኖሩት የሚገባው በሙሉ የያዘ ነው።በሱ እድሜ ክልል እሱ በአውሮፓ ምርጡ የመስመር ተከላካይ ነው። ሁላችንም ከፊትለፊቱ ብሩህ የሆነ ጊዜ እንደሚጠብቀው እናምናለን።” በማለት ተናግረዋል።

Advertisements
%d bloggers like this: